Áætlað að Big Little Lies snúi aftur í júní

HBO þættirnir Big Little Lies slógu rækilega í gegn árið 2017 og unnu meðal annars til fjögurra Golden Globes verðlauna árið 2018. Þættirnir skarta leikkonum á borð við Nicole Kidman, Reese Witherspoon og Shailene Woodley í aðalhlutverkum og voru sýndir á Stöð 2.

Þættirnir nutu mikilla vinsælda strax frá upphafi og hafa aðdáendur beðið með eftirvæntingu eftir nýjustu þáttaröð. Stórleikkonan Meryl Streep mun fara með hlutverk í næstu þáttaröð og munu allar hinar snúa aftur í hlutverkum sínum.

Nicole Kidman, sem fer með hlutverk Celeste í þáttunum, sagðist telja að þættirnir myndu snúa aftur í júní. Enn væri verið að klippa þættina til en aðdáendur mega búast við því að sjá þær stöllur á ný í byrjun sumars.

Hér að neðan má sjá skot úr nýjustu seríu sem ein aðalleikkona þáttanna, Zoë Kravitz, birti á Instagram í dag.

 

 

 

View this post on Instagram

Is this what he meant when he asked for my number ? Or ..... #BLL2

A post shared by Zoë Kravitz (@zoeisabellakravitz) on Jan 7, 2019 at 10:31am PST