Rowett rekinn frá Stoke

Stoke City ákvað í morgun að reka knattspyrnustjóra félagsins, Gary Rowett, úr starfi.

Rowett staldraði stutt við en þessi 44 ára gamli þjálfari náði ekki átta mánuðum í stjórastólnum. Stoke greiddi Derby County 2 milljónir punda er félagið fékk hann til félagsins síðasta sumar.

Rowett fékk fullt af peningum til þess að styrkja liðið og keypti marga leikmenn. Það skilaði ekki þeim árangri sem til var ætlast.

Stoke er aðeins í fjórtánda sæti í ensku B-deildinni þegar búið er að spila 26 umferðir. Það eru átta stog í umspilssæti og félagið hefur enga trú á því að Rowett komi liðinu þangað.