Tottenham á Wembley fram í mars

Það ætlar ekki að ganga hjá Tottenham að flytja á nýja heimavöllinn sinn. Nú er ljóst að Spurs verður á Wembley að minnsta kosti fram í mars.

Tottenham ætlaði upprunalega að flytja inn á nýja White Hart Lane í september. Þegar það gekk ekki upp var byrjað að tala um áramótin. Nú er horft á mars en því gæti þess vegna seinkað.

Nýi völlurinn mun taka 62 þúsund manns í sæti og verða NFL-leikir til að mynda spilaðir á vellinum í framtíðinni.

Tottenham á heimaleik gegn Arsenal þann 2. mars en talið er ólíklegt að lögregluyfirvöld leggi blessun sína yfir að sá hitaleikur verði fyrsti leikurinn á vellinum.