Netflix borgar risaupphæð til að halda í Friends

Gamanþættirnir Friends njóta enn gríðarlegra vinsælda og horfa milljónir manna á þættina daglega.

Friends voru framleiddir á árunum 1994-2004 og þekkja margir þættina vel.

Erlendir miðlar hafa greint frá því í vikunni að þættirnir væru á útleið frá streymisveitunni Netflix en samningur fyrirtækisins við WarnerMedia rennur út 1. janúar 2019.

Netflix borgaði WarnerMedia 118 milljónir dollara á sínum tíma fyrir að fá að streyma Friends frá árinu 2015 til lok ársins 2018.

Síðan þá hefur verið hægt að horfa á alla 236 þættina á Netflix en þetta mun vera um 500 þúsund dollarar á hvern þátt fyrir þriggja ára samning.

Nú þarf Netflix að greiða fyrirtækinu 100 milljónir dollara fyrir að fá að streyma þættunum út árið 2019 eða aðeins í eitt ár. Því sem samsvarar 12,2 milljörðum.