Alfreð: Tækifæri til að sýna hvort menn séu klárir Ástrós Ýr Eggertsdóttir skrifar 13. nóvember 2018 16:30 Alfreð Finnbogason S2 Sport Alfreð Finnbogason skorar eins og enginn sé morgundagurinn í þýsku Bundesligunni í fótbolta, hann er með sjö mörk í sex leikjum á tímabilinu. Alfreð kemur í frábæru formi inn í landsliðshóp Íslands sem spilar við Belgíu og Katar á næstu dögum. Guðmundur Benediktsson hitti Alfreð á æfingu liðsins í Belgíu í dag og var fyrsta spurning hvort þýska deildin væri hreinlega of auðveld? „Ég held það væri hrokafullt að segja það,“ sagði Alfreð og brosti. „Það hefur gengið mjög vel hingað til síðan ég kom úr meiðslunum. Ég veit líka hvernig fótboltinn virkar og þetta er fljótt að breytast, ég ætla að njóta þess núna á meðan þetta gengur.“ Alfreð byrjaði tímabilið meiddur og var ekki með íslenska landsliðinu í fyrsta verkefni haustsins þegar liðið fékk skell úti í Sviss og mætti Belgíu á Laugardalsvelli. Hvernig er standið á honum í dag? „Nokkuð góður. Ég þurfti að fara varlega af stað eftir þessi meiðsl og þarf ennþá að fara smá varlega þegar það koma vikur með þremur leikjum eða stutt á milli leikja, þá finn ég stundum til í hnénu.“ „Í grunninn er ég góður og þetta truflar mig ekkert í leikjum.“Belgar fóru illa með Íslendinga á Laugardalsvelli í septembervísir/vilhelmBelgar eru efsta lið heimslistans um þessar mundir og er verkefnið sem fram undan er ærið. „Það er engin spurning. Sama hvenær við spilum á móti Frakklandi, Belgíu eða topp liðum, það er alltaf erfitt og við gerum okkur fulla grein fyrir því.“ „En við þurfum að finna ellefu leikmenn sem trúa á það að við getum farið inn á völlinn og náð í úrslit,“ sagði Alfreð en hann er einn af fáum byrjunarliðsmönnum síðustu ára sem ekki er meiddur. „Auðvitað er svekkjandi að missa leikmenn, við misstum held ég átta leikmenn sem hafa verið í kringum byrjunarliðið síðustu fjögur, fimm ár. Við getum alveg búið til afsakanir fyrir því en þetta er bara tækifæri fyrir aðra.“ „Ef ég væri ungur leikmaður þá myndi ég ekkert vilja neitt meira en að spila á móti bestu leikmönnum í heimi og þeir fá núna tækifæri til að sýna hvort þeir séu klárir í það eða ekki.“ „Annað hvort verður þetta þannig leikur að ungir leikmenn stimpla sig inn og sýna að þeir séu klárir á þetta level eða þá að þetta verður reynsla fyrir þá sem þeir taka með sér næstu árin.“Alfreð hefur verið heitur efitr að hann kom til baka úr meiðslumvísir/gettyLeikurinn við Belga er sá síðasti í Þjóðadeild UEFA í bili hjá íslenska liðinu. Hvernig hefur þessi nýja keppni UEFA hitt Alfreð? „Ömurlega,“ sagði framherjinn einfaldlega en glotti þó, Ísland steinlá fyrir Sviss ytra og tapaði svo fyrir bæði Belgíu og Sviss á heimavelli og er liðið fallið í B-deild keppninnar. „Ég held enginn Íslendingur sé mikill aðdáandi Þjóðadeildarinnar í grunninn. Við erum ennþá að átta okkur á þessari keppni og ég held við verðum sterkari næst.“ „Vorum gríðarlega óheppnir með meiðsl og gátum aldrei stillt upp okkar besta liði. Það er svekkjandi þegar við þurfum á því að halda í þessum gríðarlega sterka riðli. Við verðum að sætta okkur við fall í þetta skiptið og vonandi verðum við tilbúnir næst þegar Þjóðadeildin fer af stað.“ En er enn trú fyrir fimmtudeginum? „Ekki spurning. Eins og ég sé þetta höfum við ekki miklu að tapa. Við endum neðstir í riðlinum en góð frammistaða getur gefið okkur mikið þegar alvaran hefst í mars.“ Leikur Belgíu og Íslands hefst klukkan 19:45 á fimmtudaginn 15. nóvember. Hann er í beinni útsendingu á Stöð 2 Sport og hefst upphitun á slaginu 19:00.Klippa: Alfreð: Þurfum ellefu leikmenn sem trúa að við náum í úrslit Þjóðadeild UEFA Mest lesið Íslensk hetja sendi Bergen upp í sjöunda himinn: Ein bestu kaup félagsins Fótbolti „Heimskulegt og asnalegt hjá mér“ Golf Semenya hættir baráttu sinni Sport Sjáðu mark Hákonar og vítavörslurnar þrjár Fótbolti „FIFA getur ekki leyst pólitísk vandamál heimsins“ Fótbolti Nýbyrjaður en hans eigin stuðningsmenn sungu: „Þú verður rekinn í fyrramálið“ Enski boltinn Bjóða upp á Frank Booker-árskort Körfubolti Afar ólík viðbrögð hjá Hlyni Bærings og Benna Gumm eftir byrjun þáttarins Körfubolti Komin fimm mánuði á leið en stendur á höndum eins og ekkert sé Sport „Það var smá stress og drama“ Handbolti Fleiri fréttir „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Stjörnuleikmaður Liverpool missir af mörgum stórleikjum Íslensk hetja sendi Bergen upp í sjöunda himinn: Ein bestu kaup félagsins „FIFA getur ekki leyst pólitísk vandamál heimsins“ Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sveindís Jane að missa góðan liðsfélaga: „Sakna þín strax“ „Þetta svíður mig mjög sárt“ Úr klefaleysi og snjómokstri í að taka við landsliði eða Blikum? Töpuðu fyrir Íslandi en ekki í Meistaradeildinni Sjá meira
Alfreð Finnbogason skorar eins og enginn sé morgundagurinn í þýsku Bundesligunni í fótbolta, hann er með sjö mörk í sex leikjum á tímabilinu. Alfreð kemur í frábæru formi inn í landsliðshóp Íslands sem spilar við Belgíu og Katar á næstu dögum. Guðmundur Benediktsson hitti Alfreð á æfingu liðsins í Belgíu í dag og var fyrsta spurning hvort þýska deildin væri hreinlega of auðveld? „Ég held það væri hrokafullt að segja það,“ sagði Alfreð og brosti. „Það hefur gengið mjög vel hingað til síðan ég kom úr meiðslunum. Ég veit líka hvernig fótboltinn virkar og þetta er fljótt að breytast, ég ætla að njóta þess núna á meðan þetta gengur.“ Alfreð byrjaði tímabilið meiddur og var ekki með íslenska landsliðinu í fyrsta verkefni haustsins þegar liðið fékk skell úti í Sviss og mætti Belgíu á Laugardalsvelli. Hvernig er standið á honum í dag? „Nokkuð góður. Ég þurfti að fara varlega af stað eftir þessi meiðsl og þarf ennþá að fara smá varlega þegar það koma vikur með þremur leikjum eða stutt á milli leikja, þá finn ég stundum til í hnénu.“ „Í grunninn er ég góður og þetta truflar mig ekkert í leikjum.“Belgar fóru illa með Íslendinga á Laugardalsvelli í septembervísir/vilhelmBelgar eru efsta lið heimslistans um þessar mundir og er verkefnið sem fram undan er ærið. „Það er engin spurning. Sama hvenær við spilum á móti Frakklandi, Belgíu eða topp liðum, það er alltaf erfitt og við gerum okkur fulla grein fyrir því.“ „En við þurfum að finna ellefu leikmenn sem trúa á það að við getum farið inn á völlinn og náð í úrslit,“ sagði Alfreð en hann er einn af fáum byrjunarliðsmönnum síðustu ára sem ekki er meiddur. „Auðvitað er svekkjandi að missa leikmenn, við misstum held ég átta leikmenn sem hafa verið í kringum byrjunarliðið síðustu fjögur, fimm ár. Við getum alveg búið til afsakanir fyrir því en þetta er bara tækifæri fyrir aðra.“ „Ef ég væri ungur leikmaður þá myndi ég ekkert vilja neitt meira en að spila á móti bestu leikmönnum í heimi og þeir fá núna tækifæri til að sýna hvort þeir séu klárir í það eða ekki.“ „Annað hvort verður þetta þannig leikur að ungir leikmenn stimpla sig inn og sýna að þeir séu klárir á þetta level eða þá að þetta verður reynsla fyrir þá sem þeir taka með sér næstu árin.“Alfreð hefur verið heitur efitr að hann kom til baka úr meiðslumvísir/gettyLeikurinn við Belga er sá síðasti í Þjóðadeild UEFA í bili hjá íslenska liðinu. Hvernig hefur þessi nýja keppni UEFA hitt Alfreð? „Ömurlega,“ sagði framherjinn einfaldlega en glotti þó, Ísland steinlá fyrir Sviss ytra og tapaði svo fyrir bæði Belgíu og Sviss á heimavelli og er liðið fallið í B-deild keppninnar. „Ég held enginn Íslendingur sé mikill aðdáandi Þjóðadeildarinnar í grunninn. Við erum ennþá að átta okkur á þessari keppni og ég held við verðum sterkari næst.“ „Vorum gríðarlega óheppnir með meiðsl og gátum aldrei stillt upp okkar besta liði. Það er svekkjandi þegar við þurfum á því að halda í þessum gríðarlega sterka riðli. Við verðum að sætta okkur við fall í þetta skiptið og vonandi verðum við tilbúnir næst þegar Þjóðadeildin fer af stað.“ En er enn trú fyrir fimmtudeginum? „Ekki spurning. Eins og ég sé þetta höfum við ekki miklu að tapa. Við endum neðstir í riðlinum en góð frammistaða getur gefið okkur mikið þegar alvaran hefst í mars.“ Leikur Belgíu og Íslands hefst klukkan 19:45 á fimmtudaginn 15. nóvember. Hann er í beinni útsendingu á Stöð 2 Sport og hefst upphitun á slaginu 19:00.Klippa: Alfreð: Þurfum ellefu leikmenn sem trúa að við náum í úrslit
Þjóðadeild UEFA Mest lesið Íslensk hetja sendi Bergen upp í sjöunda himinn: Ein bestu kaup félagsins Fótbolti „Heimskulegt og asnalegt hjá mér“ Golf Semenya hættir baráttu sinni Sport Sjáðu mark Hákonar og vítavörslurnar þrjár Fótbolti „FIFA getur ekki leyst pólitísk vandamál heimsins“ Fótbolti Nýbyrjaður en hans eigin stuðningsmenn sungu: „Þú verður rekinn í fyrramálið“ Enski boltinn Bjóða upp á Frank Booker-árskort Körfubolti Afar ólík viðbrögð hjá Hlyni Bærings og Benna Gumm eftir byrjun þáttarins Körfubolti Komin fimm mánuði á leið en stendur á höndum eins og ekkert sé Sport „Það var smá stress og drama“ Handbolti Fleiri fréttir „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Stjörnuleikmaður Liverpool missir af mörgum stórleikjum Íslensk hetja sendi Bergen upp í sjöunda himinn: Ein bestu kaup félagsins „FIFA getur ekki leyst pólitísk vandamál heimsins“ Lætur ekki einn slæman leik hafa áhrif á verkefnið Elías Rafn stóð vaktina í sigri Midtjylland á Nottingham Forest Palace neitar að tapa „Örugglega enginn sem nennir að hlusta á það“ Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sveindís Jane að missa góðan liðsfélaga: „Sakna þín strax“ „Þetta svíður mig mjög sárt“ Úr klefaleysi og snjómokstri í að taka við landsliði eða Blikum? Töpuðu fyrir Íslandi en ekki í Meistaradeildinni Sjá meira