Innlent

Telja að maður hafi fallið í Goðafoss

Birgir Olgeirsson og Jóhann K. Jóhannsson skrifa
Goðafoss í Þingeyjarsveit.
Goðafoss í Þingeyjarsveit.
Björgunarsveitir á Norðurlandi eystra hafa verið kallaðar út vegna leitar að manni sem er sagður hafa fallið í Goðafoss í Skjálfandafljóti í Þingeyjarsveit. Lögreglan á Akureyri segir í samtali við Vísi að tilkynning hafi borist um málið og nú sé unnið að því að koma björgunarfólki á vettvang og afla sér frekari upplýsinga um málið. Þyrla Landhelgisgæslunnar hefur verið kölluð út vegna leitarinnar.

Fréttin er í vinnslu og verður uppfærð um leið og nýjar upplýsingar berast. 

Uppfært kl. 15:25

Þessi tilkynning barst nú rétt í þessu frá Lögreglunni á Norðurlandi eystra. Viðbragðsáætlun vegna hópsslyss hefur verið virkjuð en viðbragðsaðilar eru komnir að manninum.

Uppfært kl. 16:17

Búið er að koma manninum til bjargar og er hann á leið undir læknishendur á sjúkrahúsinu á Akureyri. Aðgerðum er lokið á vettvangi.

 

Þingeyjarsveit

Mest lesið


Fleiri fréttir

Sjá meira


×

Mest lesið