Þjálfarar Íslands og Englands komast ekki í Sky-úrvalslið þjálfara í Þjóðadeildinni

Þjóðadeildin er framundan og fyrsti leikur Íslands er á móti Sviss á laugardaginn. Sky Sports hitaði upp fyrir Þjóðadeildina með því að velja úrvalslið landsliðsþjálfaranna.

Tilefnið er að margar gamlar knattspyrnustjörnur eru nú orðnar landsliðsþjálfarar en þar má nefna stórstjörnur eins og þeir Roberto Mancini, Ronald Koeman, Andriy Shevchenko og Ryan Giggs.

MANAGERS XI

There are some brilliant former players now coaching national teams in Europe. Find out why there's no place for Gareth Southgate in our UEFA Nations League Managers XI...

https://t.co/MKd6Asumk0pic.twitter.com/SpAnzoDOye

— Sky Sports Football (@SkyFootball) September 4, 2018

Tveir af þeim landsliðsþjálfurum sem komast aftur á móti ekki í liðið eru Erik Hamrén, nýr þjálfari íslenska landsliðsins og Gareth Southgate, þjálfari enska landsliðsins.

Það er kannski skiljanlegt að Erik Hamrén komist ekki í liðið enda var knattspyrnuferill hans látlaus með sænska félögunum Ljusdals IF og Stockviks FF. Hamrén var líka farinn að þjálfa þrítugur.

Knattspyrnuferill Gareth Southgate var hins vegar mun glæsilegri. Gareth Southgate spilaði meðal annars 57 landsleiki fyrir England og yfir 500 deildarleiki í enska boltanum með Crystal Palace, Aston Villa og Middlesbrough.

Samkeppnin um sæti í úrvalsliði Sky Sports er hörð enda eru margar goðsagnir að þjálfa landsliðin i Þjóðadeildinni. Úrvalsliðið er þannig skipað:

Sky Sports úrvalslið þjálfara í Þjóðadeildinni

Markvörður

Stanislav Cherchesov, þjálfari Rússlands

Varnarmenn

Christian Panucci, þjálfari Albaníu

Ronald Koeman, þjálfari Hollands

Alex McLeish, þjálfari Skotlands

Luis Enrique, þjálfari Spánar

Miðjumenn

Martin O'Neill, þjálfri Írlands

Didier Deschamps, þjálfari Frakklands

Robert Prosinecki, þjálfari Bosníu

Ryan Giggs, þjálfari Wales

Sóknarmenn

Roberto Mancini, þjálfari Ítalíu

Andriy Shevchenko, þjálfari Úkraínu

Það má finna meira um þessa samantekt Sky Sports með því að smella hér.