Ingvar agndofa í nýrri stiklu Fantastic Beasts

Leikarinn Ingvar E. Sigurðsson virðist agndofa þegar honum bregður fyrir í nýrri stiklu myndarinnar Fantastic Beasts The Crimes of Grindelwald, sem opinberuð var á Comic Con ráðstefnunni í dag. Metsöluhöfundurinn J.K. Rowling, sem þekktust er fyrir bækur sínar um Harry Potter, er handritshöfundurinn en fyrri myndin kom út árið 2016.

Bókin fjallar um galdraverurnar í ævintýraheimi Harry Potter en ekki um galdradrenginn sjálfan.

Ingar leikur persónu sem heitir Grimmson en Ólafur Darri Ólafsson leikur einnig í myndinni þó honum virðist ekki bregða fyrir í stiklunni. Hann leikur sirkusstjórann Skender.



Með aðalhlutverk í kvikmyndinni fara Jude Law, Johnny Depp, Ezra Miller, Zoë Kravitz og Eddie Redmayne.

Ingvari bregður fyrir í stiklunni eftir um það bil tvær mínútur og tuttugu sekúndur.