Hvalur 9 vélarvana í Hvalfirði

Varðskip Landhelgisgæslunnar er nú á leið til Hvalfjarðar til að draga hvalveiðiskipið Hval 9 til hafnar en skipið varð vélarvana út af Grundartanga fyrr í dag.

Samkvæmt upplýsingum frá Landhelgisgæslunni barst tilkynning um málið klukkan 13:40. Voru litlir björgunarbátar sem og dráttarbáturinn Magni sendir af stað frá Reykjavík þar sem varðskip Gæslunnar var statt í Helguvík og er nú á leið þaðan.

Lítil hætta er á ferðum þar sem skipið rekur lítið, samkvæmt upplýsingum frá Gæslunni.

Fyrr í mánuðinum varð vélarbilun í hvalveiðiskipinu Hval 8 og dró þá Magni skipið inn Hvalfjörð.

Fréttin hefur verið uppfærð.