Chelsea vill 62 milljónir punda fyrir Morata

AC Milan hóf viðræður við Chelsea í gær um kaup á framherjanum Alvaro Morata. Lundúnaliðið vill fá 62 milljónir punda fyrir Spánverjann.

Heimildir Sky á Ítalíu segja Morata vilja snúa aftur til Ítalíu en hann spilaði fyrir Juventus á árunum 2014-16.

Milan hefur áhuga á Morata en vill þó ekki borga uppsett verð fyrir hann. Félagið gæti horft til Gonzalo Higuain eða Radamel Falcao í staðinn fyrir Morata gefi Chelsea sig ekki á verðinu.

Morata kom til Chelsea frá Real Madrid síðasta sumar fyrir 57 milljónir punda. Hann kom við sögu í 48 leikjum á síðasta tímabili og skoraði 15 mörk.