Real Madrid borgar 30 milljónir evra fyrir bakvörð

Spænska stórveldið Real Madrid hefur gengið frá kaupum á hægri bakverði sem kemur til liðsins frá Real Sociedad.

Hinn 22 ára gamli Alvaro Odriozolo hefur gert sex ára samning við Real Madrid og er kaupverðið talið vera rúmar 30 milljónir evra.

Odriozolo vakti athygli fyrir vasklega framgöngu sína með Real Sociedad á síðustu leiktíð í La Liga og var verðlaunaður með sæti í spænska landsliðshópnum á HM í Rússlandi. Enginn leikmaður í La Liga skilaði fleiri fyrirgjöfum inn í vítateig andstæðinganna en Odriozolo.

Hann hefur leikið fjóra landsleiki fyrir A-landslið Spánar og er talinn munu eigna sér stöðu hægri bakvarðar í landsliðinu á næstu árum.

¡Bienvenido al #RealMadrid, Álvaro Odriozola!#WelcomeOdriozola | #HalaMadrid pic.twitter.com/3zAKeG5fna

— Real Madrid C.F. (@realmadrid) July 5, 2018