Matvælastofnun hefur svipt hænsnaeiganda á Suðvesturlandi öllum hænum sínum vegna slæms aðbúnaðar og umhirðu. Um 20 garðhænsni var að ræða. Samkvæmt upplýsingum frá Matvælastofnun bjuggu hænurnar við mikinn óþrifnað og myrkur.
Matvælastofnun barst ábending um málið frá heilbrigðiseftirliti í lok síðustu viku. Aðgerðir voru ekki taldar þola bið og var gripið til vörslusviptingar á staðnum.
Fuglunum hefur verið komið fyrir í bráðabirgðahúsnæði á meðan unnið er að því að ráðstafa þeim annað.
ÍR
Höttur
