Leggja ljósleiðara inn að Húsafelli

Hefja á lagningu ljósleiðara milli Kleppjárnsreykja og Húsafells eftir rúman mánuð. Framkvæmdin er á vegum bræðranna sem reka ferðaþjónustu í Húsafelli. Vilja þeir samstarf við Borgarbyggð vegna málsins.

„Í síðari áfanga munum við tengja Hvítársíðu, Reykholtsdal að sunnan­verðu og sunnanverða Hálsasveit,“ skrifa bræðurnir í bréfi þar sem óskað er eftir formlegum viðræðum við Borgarbyggð um yfirfærslu styrkja Fjarskiptasjóðs yfir á verkefnið og kostnaðarhlutdeild Borgarbyggðar. Innan kerfisins verði 130 staðir sem eigi tilkall til styrks úr Fjarskiptasjóði.