Guardiola fær tveggja leikja bann í Meistaradeildinni

Pep Guardiola, knattspyrnustjóri Manchester City, var í dag dæmdur í tveggja leikja bann af UEFA vegna hegðunnar sinnar í leik á móti Liverpool í vetur.

Guardiola má ekki stjórna liði Manchester City liðinu í fyrsta Meistaradeildarleik liðsins 2018-19 en er síðan á skilorði hvað varðar hinn leikinn í þessu banni.

Hinn 47 ára gamli Pep Guardiola var rekinn upp í stúku í hálfleik í seinni leik Manchester City og Liverpool í átta liða úrslitum Meistaradeildarinnar.

Pep Guardiola has been given a two-match ban - including one game suspended - for improper conduct following his dismissal in the second leg of @ManCity's Champions League quarter-final against @LFC in April.https://t.co/WpEH35rEfhpic.twitter.com/l40lwmtFcC

— Sky Sports PL (@SkySportsPL) June 4, 2018

Guardiola var mjög ósáttur þegar mark var dæmt af Manchester City en sjónvarpsmyndir sýndu að dómurinn var rangur.

Tapið á móti Liverpool var mikið áfall fyrir Guardiola og lið hans en liðið var þá með yfirburðarstöðu í ensku úrvalsdeildinni.

Liverpool fór síðan alla leið í úrslitaleikinn þar sem liðið tapaði 3-1 á móti Real Madrid.