Litlaá í Keldum komin yfir 100 fiska á land

Litlaá í Keldum er eitt af vinsælli veiðisvæðum norðanlands hjá þeim sem sækja í stóra silunga og fyrstu dagarnir gefa alveg til kynna hvers vegna.

Þessi skemmtilega á leynir ótrúlega á sér en í henni verður fiskurinn oft ansi vænn.  Eins og sést á meðfylgjandi mynd veiddist þar urriði fyrir tveimur dögum sem var 82.5 sm langur og 5.7 kg að þyngd og það er vel hægt að ímynda sér að þessi barátta hafi verið skemmtileg.  Veiðitölur frá 3. apríl voru á þann veg að þá var búið að bóka 110 fiska sem er virkilega fín veiði og það sem telur meira en talan er að mest af þessum fiskum eru 60-70 sm langir og það hafa alveg sést stærri inná milli samanber þennan sem veiddist í gær.  Fiskurinn sem er að veiðast kemur að sögn veiðimanna vel undan vetri og er vel dreifður um ánna en fiskur hefur verið á flestum veiðistöðum þessa fáu daga frá opnun.