Skallagrímur aftur í Dominos deildina

Skallagrímur endurheimti sæti sitt í deild þeirra bestu í körfuboltanum þegar liðið tryggði sér sigur í 1. deild karla í kvöld. Skallarnir féllu úr efstu deild fyrir þetta tímabil en stoppuðu stutt í 1. deildinni.

Borgnesingar unnu Vesturlandsslag gegn Snæfelli, 118-87, í Síkinu og náðu með sigrinum átta stiga forskoti í deildinni sem enginn getur unnið upp.

Aaron Clyde Parks átti frábæran leik í liði Skallagríms með þrefalda tvennu, 28 stig, 10 fráköst og 12 stoðsendingar.