Sport

Þjálfari Thanderz lofar því að Valgerður verði rotuð

Henry Birgir Gunnarsson skrifar
Thanderz er mjög bjartsýn fyrir bardagann gegn Valgerði.
Thanderz er mjög bjartsýn fyrir bardagann gegn Valgerði. facebook
Þjálfari hinnar norsku Katharinu Thanderz er brattur fyrir bardaga hennar gegn Valgerði Guðsteinsdóttur annað kvöld og lofar flugeldasýningu.

„Þessi bardagi endar með rothöggi. Ég get lofað ykkur því,“ sagði þjálfarinn Oscar Zardain við norska fjölmiðla.

„Katharina er búin að æfa af krafti í sex vikur en íslenska stelpan hefur aðeins haft tíu daga til að undirbúa sig. Þó svo hún sé í fínu formi þá er þessi staðreynd Katharinu í hag. Ég ber mikla virðingu fyrir íslensku stelpunni að taka bardagann með skömmum fyrirvara en hún á ekki möguleika. Katharina hefur aldrei verið í betra formi.“

Thanderz sjálf er ekki eins yfirlýsingaglöð og hló er hún var spurð út í orð þjálfara síns.

„Ég mun auðvitað reyna að rota hana. Uppleggið er þó að vinna allar lotur á stigum. Ég veit samt að ég er alltaf að verða sterkari og hef metnað til þess að klára bardagann sem fyrst.“

Box

Tengdar fréttir

Valgerður verður í titilbardaga í Osló

Stærsta stund íslenskrar hnefaleikasögu verður í Osló um næstu helgi er Valgerður Guðsteinsdóttir mun berjast um alþjóðlega heimsmeistaratitilinn í léttvigt hjá WBC-hnefaleikasambandinu.

Valgerður: Ég hikaði ekki við að segja já

Valgerður Guðsteinsdóttir verður fyrsti Íslendingurinn sem berst um belti í hnefaleikum í Osló um næstu helgi. Bardaginn bar brátt að en þrátt fyrir lítinn undirbúning segist Valgerður vera klár í að skemma teiti Norðmanna.

Bubbi: Ég held að Valgerður muni eyðileggja veisluna

Hnefaleikaáhugamaðurinn Bubbi Morthens er í skýjunum með að Valgerður Guðsteinsdóttir sé að fara að berjast um titil í Noregi um næstu helgi. Hann segir að þetta tækifæri sé risastórt.

Mest lesið


Fleiri fréttir

Sjá meira


×

Mest lesið