Lét golfdólginn heyra það og vann mótið

Justin Thomas þurfti að ganga í gegnum ýmislegt er honum tókst að vinna Honda Classic mótið um síðustu helgi.

Mótið var æsispennandi en Thomas stóð uppi sem sigurvegari eftir umspil gegn Luke List.

Thomas var þó með golfdólg á hælunum á sér lengi. Hann öskraði á hann línum eins og: „Vonandi fer boltinn í vatnið“ og „skjóttu í sandglompuna“.

Kylfingar reyna venjuleg að leiða svona dólga hjá sér en Thomas fékk nóg.

„Ég var kominn með upp í kok af þessum gaur. Ég snéri mér við og öskraði hver þetta væri? Hann var því leiddur út af vellinum. Mér finnst ekki gaman að láta henda fólki út af vellinum en þessi gekk bara of langt,“ sagði Thomas.