Snorri Einarsson varð fyrstur íslendinga til að keppa á Vetrarólympíuleikunum í Pyeongchang í Suður-Kóreu.
Snorri hafnaði í morgun í 56. sæti í 30 km skiptigöngu karla. Kom hann í mark á 1:23:33.9 klst og varð 7,13 mínútum á eftir Norðmanninum Simen Hegstad Krueger sem varð ólympíumeistari á tímanum 1:16,20 klst.
Norðmenn sem hafa verið í sérflokki í þessari grein undanfarin ár röðuðu sér í þrjú efstu sætin í göngunni. Snorri keppti undir merkjum Noregs til 2016 þegar hann ákvað að skipta yfir og keppa fyrir hönd Íslands. Snorri á íslenskan föður en norska móður og er því með tvöfalt ríkisfang.
Í skiptigöngu eru fyrstu 15 km göngunnar með hefðbundinni aðferð áður en skipt er svo um búnað og 15 km með frjálsri aðferð gengnir í beinu framhaldi.
Freydís Halla Einarsdóttir er næst íslendinga til að keppa á vetrarólympíuleikunum í Suður-Kóreu, en hún keppir í stórsvigi á morgun.
Snorri Einarsson í 56. sæti
Magnús Ellert Bjarnason skrifar

Mest lesið

Kvartar undan Man. City við Evrópusambandið
Enski boltinn

Gera grín að Jürgen Klopp
Fótbolti


Víkingar skipta um gír
Íslenski boltinn






„Getum gengið stoltar frá borði“
Handbolti