Tugir Kúrda féllu í loftárásum Tyrkja

Tyrkneskar herþotur gerðu loftárásir á skotmörk í norðurhluta Íraks á mánudag og felldu um fimmtíu vígamenn, eins og tyrknesk yfirvöld kalla meðlimi Kúrdíska verkamannaflokksins.

Tyrkneski herinn segir að um fyrirbyggjandi árás hafi verið að ræða þar sem Kúrdarnir hafi áformað árás á tyrkneskar landamærastöðvar.

Kúrdíski verkamannaflokkurinn, eða PKK, er skilgreindur sem hryðjuverkasamtök af Tyrkjum, Bandaríkjamönnum og Evrópusambandinu, en þeir hafa barist fyrir sjálfstæði Kúrdahéraðanna í áratugi.