Valdís Þóra í 87. sæti eftir fyrsta daginn út í Ástralíu

Valdís Þóra Jónsdóttir lék fyrsta hringinn á þremur höggum yfir pari á ActewAGL Canberra Classic mótinu á evrópsku mótaröðinni.

Valdís Þóra kom inn á 75 höggum sem skilaði henni upp í 87. sæti af 142 kylfingum sem kláruðu fyrsta hringinn.

Valdís Þór fékk þrjá fugla og sex skolla á hringnum. Fuglarnir komu á sjöundu, fimmtándu og átjándu en skollarnir á fyrstu, fimmtu, áttundu, tíundu, elleftu og sautjándu.

Valdís Þóra hóf leik á tíundu holur og tapaði því höggi á tveimur fyrstu holunum. Hún lék á einu höggi yfir pari eftir þá erfiðu byrjun.

Mótið er 54 holur en niðurskurðurinn verður eftir annan hringinn í nótt. Valdís Þóra fer þá út klukkan 12.41 að staðartíma sem er klukkan 1.41 að íslenskum tíma.