Boston marði sigur á Denver

Það vantaði ekkert upp á spennuna í leik Denver og Boston í NBA-deildinni í nótt þar sem Celtics náði að merja eins stigs sigur.

Denver gat stolið sigrinum í lokasókninni en brást bogalistin eins og sjá má hér að neðan. Kyrie Irving frábær í liði Boston en hann skoraði 12 af 27 stigum sínum í lokaleikhlutanum. Jayson Tatum skilaði 20 stigum í hús fyrir Boston.

Nikola Jokic atkvæðamestur í liði Denver með 24 stig og Trey Lyles skoraði 20.

Gríska fríkið Giannis Antentokounmpo átti enn einn stórleikinn fyrir Milwaukee er liðið skellti Philadelphia. Giannis skoraði 31 stig, tók 18 fráköst og gaf 6 stoðsendingar. Magnaður.

Úrslit:

Indiana-Charlotte  105-96

Atlanta-Minnesota  105-100

Memphis-Phoenix  120-109

Milwaukee-Philadelphia  107-95

Dallas-Miami  88-95

Denver-Boston  110-111