Cleveland að vakna til lífsins

LeBron James fór mikinn í liði Cleveland Cavaliers er liðið náði að vinna tvo leiki í röð í fyrsta skipti síðan 17. desember.

James gældi við þrefalda tvennu í leiknum gegn Detroit í nótt en hann var með 25 stig, 14 stoðsendingar og tók svo 8 fráköst. Kevin Love líka sterkur með 20 stig og 11 fráköst.

James Harden átti líka venju samkvæmt mjög góðan leik í liði Houston er liðið skellti Phoenix. Harden með 27 stig, 10 fráköst og 8 stoðsendingar.

Sömu sögu var að segja af Russell Westbrook, leikmanni Oklahoma, en hann skoraði 37 stig, gaf 14 stoðsendingar og tók 9 fráköst. Allir að glíma við þrefalda tvennu en enginn að ná henni.

Úrslit:

Cleveland-Detroit  121-104

Toronto-LA Lakers  123-111

Oklahoma-Philadelphia  122-112

San Antonio-Sacramento  113-98

Milwaukee-Chicago  110-96

Phoenix-Houston  102-113

New Orleans-LA Clippers  103-112