Gucci opnar fínan veitingastað

Gucci hefur opnað fimmtíu-sæta veitingastað á torginu Piazza della Signoria í Flórens, þar sem boðið er upp á lúxus upplifun og fínan mat. Staðurinn heitir Gucci Osteria. Viðskiptavinir Gucci geta nú upplifað tískuhúsið í gegnum mat en ekki einungis fatnað og fylgihluti.

Fatamerki um allan heim leita nú að aðferðum til að byggja upp upplifun viðskiptavinarins á merkinu, og er Gucci Osteria tilraun til þess. Á matseðlinum verður meðal annars boðið upp á sveppa-risotto og parmesan-pasta, og mun hver réttur kosta á bilinu 20- 30 evrur. Fínn matur er lúxus-vara rétt eins og tískan er, svo þetta gæti verið rétta skrefið fyrir Gucci. 

Yfirkokkur veitingastaðarins heitir Massimo Bottura, en hann hefur hlotið þrjár Michelin-stjörnur á ferli sínum, fyrir staðinn Osteria Francescana. Maturinn verður án efa gómsætur. 

Það verður gaman að sjá hvort önnur stór lúxus-tískuhús fylgi eftir Gucci í þessum efnum, en Gucci hefur verið ákveðinn brautryðjandi þegar kemur að markaðssetningu og ákvörðunum sem teknar voru á síðasta ári. 

Sjá: Gucci hættir að nota loð.