Mourinho: Kjaftæði að ég sé að fara að hætta

Jose Mourinho, stjóri Man. Utd, er allt annað en sáttur við þær sögusagnir að hann sé að fara að hætta með liðið næsta sumar.

Sérstaklega í ljósi þess að hann er í viðræðum við félagið um nýjan samning og núverandi samningur rennur ekki út fyrr en 2019.

„Þetta er kjaftæði. Það er ekki hægt að segja það öðruvísi,“ sagði Mourinho um sögusagnirnar í bresku pressunni.

„Það versta sem hægt er að gera mér er að efast um fagmennsku mína.  Þessar ruslfréttir fóru því í taugarnar á mér. Ég er í miðjum samningaviðræðum. Hollusta mín er algjör og ég vil vera áfram hjá félaginu.“