Seinni bylgjan: Skítugt gólf í Garðabænum ástæðan fyrir öllum meiðslunum?

Stjörnumenn mættu afar laskaðir í leikinn gegn FH en fjölmarga lykilmenn vantaði í liðið.

„Þegar svona margir menn eru frá þá spyr maður sig hvort þetta sé þjálfunin? Það hlýtur að vera eitthvað að og því fór ég að spyrjast aðeins fyrir í Garðabæ og heyrði í leikmönnum. Það er víst ekki verið að þrífa gólfið í Garðabænum og menn eru ekki sáttir,“ segir Jóhann Gunnar Einarsson, sérfræðingur Seinni bylgjunnar.

„Gólfið er bara sleipt og það er slysahætta. Leikmenn eru verulega ósáttir við þetta og þegar staðan er svona þá er gólfið stórhættulegt. Það er ekki eðlilegt að sex byrjunarliðsmenn séu meiddir eða hnjaskaðir.“

Sjá má umræðuna úr Seinni bylgjunni hér að ofan.