Björgvin Páll gæti farið til Danmerkur

Landsliðsmarkvörðurinn Björgvin Páll Gústavsson er í viðræðum við danska úrvalsdeildarliðið Skjern.

Þetta staðfestir Björgvin við mbl.is og segir að sér lítist afar vel á danska félagið sem hann segir vera fjölskylduvænt.

Björgvin varð þriggja barna faðir á dögunum er eiginkona hans, Karen Einarsdóttir, fæddi tvíbura. Þau vilja því eðlilega komast í fjölskylduvænt umhverfi.

Björgvin segir að þýski boltinn sé ekkert sérstaklega fjölskylduvænn. Sex félög frá Þýskalandi hafa sett sig í samband við Björgvin síðan hann kom aftur heim til Íslands og byrjaði að spila með Haukum.

Ef Björgvin fer aftur utan þá verður það samt ekki fyrr en næsta sumar.