Ein besta íþróttakona Íslands er líka hörku dansari | Myndband

Kylfingurinn Ólafía Þórunn Kristinsdóttir hefur verið á keppnisferðalagi um Asíu síðustu vikur þar sem hún hefur meðal annars keppt á LPGA mótum í Suður-Kóreu, Tævan og Malasíu.

Svona löngum ferðalögum hinum megin á hnettinum fylgir náttúrulega mikið hótellíf fjarri vinum og ættingjum.

Ólafía Þórunn kann hinsvegar að skemmta sér og öðrum í kringum sig og hún hefur nú ákveðið að gleðja aðeins aðdáendur sína á Instagram og Twitter með því að sýna þeim skemmtilegt dansmynd sem hún tók væntanlega upp á hótelherberginu sínu.

Með henni á myndbandinu er vinkona hennar Sandra Gal frá Þýskalandi sem er líka á LPGA-mótaröðinni eins og Ólafía Þórunn.

Í þessu myndbandi kemur bara í ljós að ein besta íþróttakona Íslands í dag er líka hörku dansari.  Hún er líka óhrædd við að sýna öllum heiminum taktana. Gjörið svo vel . Dansarinn Ólafía Þórunn Kristinsdóttir.

Channeling our inner badass @thesandragal#danceyourheartoutpic.twitter.com/NqfqPHtcZo

— Olafia Kristinsd. (@olafiakri) November 2, 2017