Hætta á hryðjuverkum í Bretlandi aldrei meiri

Andrew Parker, yfirmaður bresku innanríkisleyniþjónustunnar Mi5, segir að hryðjuverkaógn í Bretlandi hafi aukust gífurlega. Ástandið hafi ekki verið svo slæmt áður á 34 ára ferli hans.

Þar að auki sé orðið erfiðara að komast á snoðir um slíkar ógnir. Parker segir í samtali við Sky-fréttastofuna að rúmlega 500 rannsóknir séu nú í gangi sem snúi að um þrjú þúsund einstaklingum víðsvegar um Bretland þar sem grunur leikur á að menn hyggi á eitthvað misjafnt.

Parker sagði þar að auki að ljóst væri að einhverjir öfgamenn hefðu komist hjá eftirliti yfirvalda og væru enn óþekktir. Þó væru allar líkur á því að þeir sem muni fremja hryðjuverk í Bretlandi hafi á einhverjum tímapuntki verið undir smásjá yfirvalda. Að sama skapi áætlaði hann að 130 Bretar hafi sem barist hafa með íslamska ríkinu í Austurlöndum nær hafi látið lífið.

Þá greindi hann jafnframt frá samevrópskri aðgerðastöð, með höfuðstöðvar í Hollandi, sem hefði stöðvað hefði hið minnsta 12 hryðjuverkamenn - „sem annars hefði ekki verið hægt að ná tímanlega.“

Brot úr yfirlýsingu sem Parker flutti í gær má heyra hér að neðan.