Kosningaspjall Vísis: Frambjóðendur svara spurningum lesenda í beinni útsendingu

Kosningaspjall Vísis hefst næstkomandi mánudag, 9. október, en í þættinum koma fulltrúar þeirra flokka sem bjóða fram til Alþingis í kosningunum þann 28. október og svara spurningum lesenda og áhorfenda Vísis. Einn frambjóðandi kemur í spjallið hverju sinni en dregið var um í hvaða röð flokkarnir sem bjóða fram koma í þáttinn.

Kosningaspjallið verður í beinni útsendingu á vefnum sem og á Facebook-síðu Vísis klukkan 13.30. Á meðan á útsendingu stendur geta lesendur og áhorfendur sent inn spurningar með því að kommenta við beinu útsendinguna á Facebook. Fyrir útsendingu verður einnig boðið upp á að senda spurningar í gegnum tölvupóst.

Fyrsti frambjóðandinn sem mætir í Kosningaspjall Vísis á mánudag er Rósa Björk Brynjólfsdóttir oddviti Vinstri grænna í Suðvesturkjördæmi.

Fulltrúar flokkanna munu koma í spjallið í eftirfarandi röð:

9. október – Vinstri græn

10. október – Flokkur fólksins

11. október – Viðreisn

12. október – Miðflokkurinn

13. október – Píratar

16. október – Björt framtíð

17. október – Sjálfstæðisflokkurinn

18. október – Alþýðufylkingin

19. október – Framsóknarflokkurinn

20. október – Samfylkingin

23. október - Dögun

24. október - Íslenska þjóðfylkingin

Lesendur geta sent spurningar til viðmælenda fyrir útsendingu á netfangið hulda@365.is.