Samúel lék allan leikinn í ótrúlegu tapi Vålerenga

Samúel Kári Friðjónsson var í byrjunarliði Vålerenga sem tapaði fyrir Stabæk 4-2 í norsku úrvalsdeildinni í fótbolta í dag.

Christian Grindheim skoraði tvisvar fyrir Vålerenga í fyrri hálfleik, en ótrúleg endurkoma Stabæk í seinni hálfleik þar sem þeir skoruðu fjögur mörk lyfti liðinu upp í 6. sæti deildarinnar.

Vålerenga er hins vegar í 12. sæti með 27 stig.

Árni Vilhjálmsson var ónotaður varamaður í 1-1 jafntefli Jönköping og Eskilstuna í sænsku úrvalsdeildinni.

Emil Hallfreðsson var ekki í leikmannahóp Udinese sem sigraði Sampdoria 4-0 í Seríu A á Ítalíu.