Mesti töffarinn í tískuheiminum í dag

Hin rússneska Lotta Volkova er væntanlega einn mesti töffarinn í tískuheiminum í dag. Hún er fjölhæf, en hún er hönnuður, stílisti, ritstjóri Re-Edition tímaritsins og stundum fyrirsæta. Stíllinn hennar er frábrugðinn öðrum, en hún er þekkt fyrir að koma því sem þykir ,,ljótt", í tísku. 

Lotta lærði tísku í Central Saint Martins í London, og byrjaði að hanna og sauma föt á sjálfa sig þegar hún fór að fara út á lífið. Síðan fór boltinn að rúlla og ýmsar búðir fóru að kaupa vörurnar hennar. Hún hefur verið viðloðinn tískubransann síðan þá, en fékk fyrst mikla athygli eftir að hún kynntist þeim Gosha Rubinsky og Demna Gvasalia. 

Í dag vinnur hún mest með Demna Gvasalia og Gosha Rubinsky, og er fataskápurinn hennar fullur af öfundsverðum fatnaði frá Vetements og Balenciaga. 

Alltaf gaman að öðruvísi og skemmtilegum týpum eins og Lottu!