Tap hjá Hannesi og félögum í Randers

Landsliðsmarkvörðurinn Hannes Halldórsson var milli stangana í liði Randers sem sótti Helsingør heim í dönsku úrvalsdeildinni í knattspyrnu í dag.

Menn Ólafs Kristjánssonar lentu undir strax á 2. mínútu leiksins þegar Andre Riel komst einn inn fyrir vörn Randers og setti boltann viðstöðulaust í markið, óverjandi fyrir Hannes.

Riel náði aftur að koma boltanum framhjá Hannesi á 84. mínútu þegar hann gulltryggði Helsingør sigurinn.

Randers situr á botni dönsku deildarinnar án sigurs eftir sjö leiki.