Ólafía keppir í Einvíginu á Nesinu

Ólafía Þórunn Kristinsdóttir hefur bæst í þann hóp keppenda sem taka þátt í Einvíginu á Nesinu þetta árið.

Eins og áður hefur komið fram er mótið haldið til styrktar baráttunni gegn einelti í skólum. Mótið fer fram, líkt og undanfarin ár, á mánudaginn um verslunarmannahelgi.

Valdís Þóra Jónsdóttir keppir einnig á mótinu og eru því tvær fremstu kvenkylfingar landsins skráðir til leiks á þessu sterka móti.

Einvígið hefst klukkan 13.00 og eru allir velkomnir samkvæmt heimasíðu Nesklúbbsins. Líkt og síðustu ár verður þáttur um mótið, sem Logi Bergmann Eiðsson stýrir, sýndur á Stöð 2 Sport.

Keppendur:

Birgir Björn Magnússon, GK - Klúbbmeistari GK 2017

Björgvin Sigurbergsson, GK - Margfaldur Íslandsmeistari í golfi

Björgvin Þorsteinsson, GA - Íslandsmeistari 35 ára og eldri 2017

Guðmundur Rúnar Hallgrímsson, GS - Klúbbmeistari GS 2017

Ingvar Andri Magnússon, GR - Íslandsmeistari 17-18 ára 2017

Kristján Þór Einarsson, GM - Klúbbmeistari GM 2017

Oddur Óli Jónasson, NK - Klúbbmeistari NK 2017 og sigurvegari Einvígisins 2016

Ólafía Þórunn Kristinsdóttir, GR - atvinnukylfingur

Ragnhildur Kristinsdóttir, GR - Landsliðskona og meðlimur í TEAM ICELAND

Úlfar Jónsson, GKG - Margfaldur Íslandsmeistari í golfi

Valdís Þóra Jónsdóttir, GL - Íslandsmeistari 2017 og atvinnukylfingur