Fótbolti

Herbergisfélagi Dagnýjar skoraði í úrslitaleiknum

Ingvi Þór Sæmundsson skrifar
Nadia Nadim fagnar marki sínu.
Nadia Nadim fagnar marki sínu. vísir/getty
Nadia Nadim kom Dönum yfir gegn Hollendingum eftir aðeins sex mínútur í úrslitaleik EM í gær.

Nadim leikur með Portland Thorns í Bandaríkjunum og er liðsfélagi Dagnýjar Brynjarsdóttur. Og það sem meira er, þá eru þær herbergisfélagar.

Dagný sendi Nadim kveðju á Twitter í kvöld; sagðist vera stolt af henni og að hún saknaði hennar.

Markið sem Nadim skoraði dugði Dönum skammt því Hollendingar unnu úrslitaleikinn 4-2 og tryggðu sér sinn fyrsta Evrópumeistaratitil.

Nadim er frá Afganistan en fjölskylda hennar flúði til Danmerkur eftir að faðir hennar, sem var hermaður í afganska hernum, var myrtur af Talíbönum.

Nadim skoraði sitt fyrsta mark fyrir danska landsliðsins gegn Íslandi á Alvarge-mótinu 2009. Hún hefur alls skorað 21 mark fyrir Danmörku.

EM 2017 í Hollandi

Tengdar fréttir

Mest lesið


Fleiri fréttir

Sjá meira


×

Mest lesið