Styrkleikalistinn hefur ekki enn verið gefinn út en spænski tölfræðingurinn Mister Chip hefur reiknað út hvernig hann mun líta út.
Strákarnir okkar unnu Króata í eina leik sínum í júní-mánuði og sá sigur skilar þeim upp um þrjú sæti á styrkleikalistanum. Króatía er í 15. sæti.
Íslendingar missa þó titilinn konungar norðursins því Svíar eru komnir upp í 18. sæti listans. Sænska liðið stekkur upp um heil 16 sæti á listanum.
Þjóðverjar, sem unnu Álfukeppnina í gær, taka toppsæti styrkleikalistans af Brasilíumönnum. Argentínumenn eru í 3. sæti og Portúgalar í því fjórða.
Sviss fer upp um fjögur sæti og í það fimmta og Pólland er í 6. sæti og hefur aldrei verið ofar á listanum.
Bandaríkin taka mikla dýfu og eru komin niður 36. sætið.
Styrkleikalisti FIFA:
1. Þýskaland
2. Brasilía
3. Argentína
4. Portúgal
5. Sviss
6. Pólland
7. Síle
8. Kólumbía
9. Frakkland
10. Belgía
11. Spánn
12. Ítalía
13. England
14. Perú
15. Króatía
16. Mexíkó
17. Úrúgvæ
18. Svíþjóð
19. Ísland
20. Wales
Como os habéis portado de maravilla en junio vais a ser los primeros en conocer el próximo Ranking FIFA que se publicará el jueves ;-) pic.twitter.com/EtPh5Lo2H4
— MisterChip (Alexis) (@2010MisterChip) July 2, 2017