Sociedad vill kaupa Januzaj

Samkvæmt heimildum Sky Sports þá er spænska félagið Real Sociedad búið að bjóða Man. Utd tæpar 10 milljónir punda fyrir Adnan Januzaj.

Þetta ku ekki vera eina tilboðið sem United hefur fengið í leikmanninn í sumar. Januzaj er 22 ára gamall og Man. Utd vill selja.

Januzaj var lánaður til Sunderland síðasta vetur og sagðist þá ætla að troða upp í efasemdarmenn. Hann var aftur á móti mikið meiddur og náði aðeins að vera 18 sinnum í byrjunarliði Sunderland sem féll með stæl.

Januzaj kom til United frá Anderlecht fyrir sex árum síðan en náði aldrei að standa undir væntingum. Hann hefur spilað sex landsleiki fyrir Belgíu.