Nú er ljóst að Einherjar munu næst spila við úrvalslið frá Bretlandi þann 16. september. Einherjar er eina liðið á Íslandi sem æfir og keppir í amerískum fótbolta.
Fyrr á þessu ári mættu Einherjar liði Starnberg Argonauts frá Þýskalandi og unnu afar sannfærandi sigur, 48-14.
Þetta verður fjórði leikur Einherja gegn erlendu liði en fyrstu tveir voru gegn norskum liðum.
Breska liðið verður að stærstum hluta skipað leikmönnum Ouse Valley Eagles en auglýst var eftir öðrum leikmönnum til að hægt væri að koma með 60 manna lið til Íslands.
Alls sóttu 90 leikmenn sem spila með breskum liðum um ellefu laus sæti og komust því talsvert færri að en vildu, eftir því sem kemur fram hér þar sem einnig má sjá leikmannaskipan breska liðsins.
Einherjar mæta næst úrvalsliði frá Bretlandi
Tengdar fréttir
Þýsku tröllin létu til sín taka í Breiðholtinu | Myndir
Leikur Einherja og Starnberg Argonauts verður sýndur í beinni útsendingu á Stöð 2 Sport.
Ætla ekki að aðlaga sinn leik að andstæðingnum
Það má búast við hörkuskemmtun þegar íslenska ruðningsliðið Einherjar mætir sterku þýsku liði í amerískum fótboltaleik sem fer fram í Kórnum í kvöld.
