Sean „Diddy“ Combs hæst launaði skemmtikrafturinn í ár

Forbes hefur gefið út lista yfir hundrað hæst launuðustu skemmtikrafta heims. BBC greinir frá.

Efstur á lista er rapparinn Sean „Diddy “ Combs með 130 milljónir bandaríkjadala eða þrettán milljarða íslenskra króna. Hann færist jafnframt upp um 21 eitt sæti á listanum, frá því í fyrra. Velgengni hans má rekja til tónleikaferðalags sem hann fór í um Bandaríkin. Einnig gerði hann auglýsingasamning fyrir vodkafyrirtæki. Þar að auki framleiðir hann sína eigin fatalínu.

Beyonce er í öðru sæti með 105 milljónir bandaríkjadala og J.K. Rowling er í því þriðja með 95 milljónir bandaríkjadala. Þær eru jafnframt einu konurnar sem eru í topp tíu sætunum. Kvenkyns skemmtikraftar skipa einungis 16 prósent listans.

Yngst á listanum er Kylie Jenner en þetta er í fyrsta sinn sem hún kemst á listann fræga. Hún er í 59 sæti og er yngst á listanum. Tekjur hennar koma aðallega frá raunveruleikaþættinum Keeping Up with the Kardashians sem hafa verið vinsælir undanfarin ár en einnig hefur hún hagnast á snyrtivörum í hennar nafni sem og fatalínu.

Helmingur þeirra sem ná á topp tíu listann eru tónlistarmenn og Christiano Ronaldo og Le Bron James eru einu íþróttamennirnir.

Topp tíu listann má sjá hér að neðan:

1. Sean "Diddy" Combs, tónlistarmaður- 13 milljarðar  
2. Beyonce Knowles, tónlistarkona- 10 milljarðar
3. JK Rowling, rithöfundur- 9,5 milljarðar
4. Drake, tónlistarmaður- 9,4 milljarðar
5. Cristiano ROnaldo, fótboltamaður 9,3 milljarðar
6. The Weeknd, tónlistarmaður 9,2 milljarðar
7. Howard Stern, fjölmiðlamaður 9 milljarðar
8. Coldplay, hljómsveit 8,8 milljarðar
9. James Patterson, rithöfundur 8,7 milljarðar
10. LeBron James, íþróttamaður 8,6 milljarðar