Þetta eru fimmtán dýrustu sjónvarpsþættir sögunnar

Eitt allra vinsælasta afþreyingarefni heims í dag eru sjónvarpsþættir og er sífellt verið að leggja meiri og meiri áherslu á framleiðslu þeirra.

Gríðarleg vinna og miklir fjármunir fara oft á tíðum í hvern þátt og má þar til að mynda nefna þætti eins og Game of Thrones, sem eru þeir allra vinsælustu í heiminum í dag.

Framleiðsluferlið eru margir mánuðir og er hver þáttur nánast eins og heil kvikmynd. Á síðunni Digital Spy er farið yfir fimmtán dýrustu þætti sögunnar og má sjá þann lista í heild sinni hér að neðan:

15. Fringe

Hver þáttur kostaði um fjögur hundruð milljónir króna.

 

14. Lost

Hver þáttur kostaði um fjögur hundruð milljónir, en fyrsti þátturinn sem framleiddur var kostaði um einn milljarð. Ástæðan fyrir því var mikill flutningskostnaður og fjárfesta þurfti í flugvél.

 

13. Deadwood

Hver þáttur kostaði um 450 milljónir króna.

12. House of Cards

Hver þáttur kostar rúmlega 450 milljónir króna en þeir eru enn í framleiðslu.

11. Boardwalk Empire

Hver þáttur kostaði um 500 milljónir en opnunarþátturinn kostaði um 1,8 milljarð króna. Leikmyndin sjálf kostaði 200 milljónir króna.

10. Frasier

Hver þáttur kostaði 520 milljónir króna og var ástæðan fyrir því helst að Kelsey Grammer fékk um 160 milljónir króna fyrir hvern einasta þátt. Hann fór með aðalhlutverkið sem Frasier.

9. Camelot

Kostnaðurinn við hvern þátt var um sjö hundruð milljónir.

8. Sense 8

Þættirnir voru gríðarlega dýrir í framleiðslu og kostaði hver þáttur um 900 milljónir.

7. Marco Polo

Hver þáttur kostaði yfir 900 milljónir.

6. Rome

Hver þáttur kostaði tæplega einn milljarð.

5. Game of Thrones

Hver þáttur kostar rúmlega einn milljarð af þessum gríðarlega vinsælu þáttum.

 

4. Friends

Hver þáttur kostaði undir lokin vel yfir einn milljarð. Ástæðan fyrir því var sú að aðalleikararnir sex fengu hundrað milljónir króna fyrir hvern þátt.

3. The Get Down

Netflix þættir en kostnaðurinn á bakvið hvern þátt var 1,1 milljarður króna.

2. E.R.

Gríðarlega vinsælir læknaþættir og var kostnaðurinn við hvern þátt um 1,3 milljarðar íslenskra króna.

 

1. The Crown

Netflix-sería sem varð strax gríðarlega vinsæl. Hver þáttur kostar rúmlega 1,3 milljarða króna.