Fyrsta aldamótabarnið í ensku úrvalsdeildinni

„Ungur drengur með drauma. Allt er mögulegt ef þú trúir,“ skrifaði hinn 16 ára gamli Angel Gomes á Twitter í gær eftir að hafa orðið fyrsta aldamótabarnið til þess að spila í ensku úrvalsdeildinni.

Gomes kom þá af bekknum fyrir Wayne Rooney og í tilefni þessara tímamóta birti hann tíu ára gamla mynd af sér og Rooney.

Það var því eðlilega sérstök stund fyrir drenginn að fá tækifæri til þess að spila á Old Trafford og koma inn á fyrir Rooney.

Enda átti drengurinn erfitt með að fela brosið er hann kom inn á. Hann er fæddur í lok ágúst og fær bílprófið er næsta tímabil rúllar af stað.

Þessi strákur kom til United fyrir þrem árum síðan og hefur spilað unglingalandsleiki fyrir England. Faðir hans er portúgalskur og skyldur fyrrum leikmanni Man. Utd, Nani.

10 yrs later! Young boy with dreams anything is possible if you believe ! @ManUtd pic.twitter.com/SI8N7haTN8

— santi gomes (@agomes_47) May 22, 2017