Löggur deila klæðnaði vegna skorts á búningum sem sér ekki fyrir endann á Sunna Karen Sigurþórsdóttir skrifar 15. maí 2017 09:00 Lögreglumenn í sumarafleysingum streyma til vinnu en vantar nýja lögreglubúninga. Verið er að leysa úr ýmsum flækjum tengdum kaupum á einkennisfatnaði lögreglumanna. vísir/pjetur Ekki eru til nýir lögreglubúningar á landinu og þeirra er ekki að vænta í bráð. Útboðssamningur er útrunninn og ekki er ljóst hvenær farið verður í útboð því verið er að greiða úr ýmsum flækjum er varða sérpantanir á einkennisklæðnaði lögreglumanna.Kaupin vandkvæðum bundin Kostnaður við hvern lögreglubúning hleypur á hundruðum þúsunda; lágmarks vinnufatnaður kostar 173 þúsund og hátíðarbúningurinn 207 þúsund krónur. Erfiðlega hefur gengið að draga úr þessum kostnaði þar sem strangar reglur gilda bæði um útboðið sjálft og búningana, sem eru hátt í 700 talsins. Lögreglubúningarnir eru sérsniðnir að þörfum íslenskra yfirvalda þar sem lög og reglur þess efnis eru hafðar að leiðarljósi. Kaupin eru oftar en ekki vandkvæðum bundin. Sem dæmi má nefna að í síðasta útboði var gerð krafa um að klæðnaðurinn yrði svartur sem þýddi að framleiðandinn þurfti að panta nýtt efni og í framhaldinu láta lita það sérstaklega. Tók því talsvert lengri tíma að fá búningana afhenta en gert var ráð fyrir.Navy-bláa efnið litað svart „Aðilinn sem fékk samninginn var á þessum tíma að vinna að samningi fyrir dönsku lögregluna og var að vinna með navy bláan lit. Þar sem við vildum efnið svart þá þurfti að panta efnið sérlitað frá efnisframleiðandanum. Það að panta sérlitað efni í stað þess að vinna með efni sem þú ert með í þinni framleiðslulínu er með auknu flækjustigi og lengri pöntunarferla og þar fram eftir götunum,“ segir Jónas Ingi Pétursson, sem heldur utan um innkaupin hjá ríkislögreglustjóra. Jónas segir að verið sé að skoða hvernig hægt sé að komast hjá þessum erfiðleikum og að ekki verði farið í næsta útboð fyrr en þeirri vinnu lýkur. „Það sem við ætlum að fara af stað með er að reyna að tryggja okkur meira af því sem við köllum hilluvöru. Það er það sem hefur verið hluti af vandanum og við höfum verið að leggjast mjög yfir. Það er líka ein ástæða þess að við erum í seinni skipunum með útboðið því við viljum komast hjá þessum sérframleiddu og sérsniðnu búningum og löngu afgreiðslutímum í meiri hilluvörur. Hins vegar gerir það útboðið aðeins flóknara.“Óheppileg vinnubrögð Snorri Magnússon, formaður Landssambands lögreglumanna, segir afar óheppilegt að engir búningar séu til og að ekki hafi verið hugsað út í þessa hluti fyrr. Nú sé sumarið að koma, afleysingarmenn komi inn, og að ljóst sé að margir mánuðir séu í nýjan klæðnað. Þangað til þurfi lögreglumenn að deila fatnaði. Jafnframt hafi sambandið margoft komið með tillögur um hvernig hægt sé að kaupa ódýrari einkennisbúninga. Lögreglan sé algjörlega fjársvelt og að horfa þurfi í hverja krónu. „Það segir sig sjálft að það sem er sérunnið er dýrara en það sem hægt er að kaupa tilbúið. En það er önnur saga hvort að þessi stjórn löggæslu í landinu vilji hafa íslenskt yfirbragð á fatnaðnum eða eitthvað meira alþóðlegt. Svo er þetta líka spurning um innkaupapólitík og pólitík almennt er varðar útlit íslensku lögreglunnar.“Breytingar í farvatninu Jónas segir að einhverjar breytingar verði á næsta lögreglubúning, en að óljóst sé á þessum tímapunkti hversu umfangsmiklar þær verði. „Stærsta breytingin hangir við það að lögreglan er almennt farin að ganga í öryggisvestum og þar af leiðandi þarf þessi fatnaður sem er innan undir að vera öðruvísi. Hann þarf að anda betur og hleypa líkamshita og raka betur frá sér. Varðandi útlitsbreytingar þá á það bara eftir að koma í ljós, en við lýsum þeim í útboðslýsingum.“ Mest lesið Sérsveitin kölluð út: Fjöldi handtekinn eftir húsleit í Gnoðarvogi Innlent Melania Trump hótar lögsókn á hendur Hunter Biden Erlent Fjórir handteknir í aðgerðunum í Gnoðarvogi Innlent Haraldur Briem er látinn Innlent Trump tilkynnti um næstu heiðursfélaga Kennedy-miðstöðvarinnar Erlent Vilja afvopna einangraða og veikburða Hezbollah-liða Erlent Erlendir hópar komi til Íslands í skamman tíma til að hnupla úr verslunum Innlent Tilkynnt um sjónskerðingu og sjálfsvígshugsanir eftir inntöku þyngdarstjórnunarlyfja Innlent Sendu tvö herskip að umdeildu rifi eftir ásiglingu Kínverja Erlent Gagnrýni á fegurðarsamkeppnir sé ekki niðurlæging í garð kvenna Innlent Fleiri fréttir Haraldur Briem er látinn Fjórir handteknir í aðgerðunum í Gnoðarvogi Sérsveitin kölluð út: Fjöldi handtekinn eftir húsleit í Gnoðarvogi Vara við eldislax í Haukadalsá Erlendir hópar komi til Íslands í skamman tíma til að hnupla úr verslunum Líkamsræktarstöðin í Laugum rýmd: Reykurinn reyndist vera gufa Tilkynnt um sjónskerðingu og sjálfsvígshugsanir eftir inntöku þyngdarstjórnunarlyfja Gagnrýni á fegurðarsamkeppnir sé ekki niðurlæging í garð kvenna Líkamsræktarstöð World Class í Laugum rýmd vegna vatnsleka Skuggahliðar þyngdarstjórnunarlyfja og útskúfun vegna BDSM Ámálaða merkið þótti ekki nógu flott Slasaður eftir að tveir bílar skullu saman á hættulegum gatnamótum við Skógafoss Vísað úr landi eftir ólöglega dvöl: Togaði í hár konunnar, sparkaði í hana og mölvaði síma hennar Guðbjörg ráðin skólastjóri í tólfta grunnskóla Hafnarfjarðar Skyldleiki við lögregluþjón þvældist fyrir Stærðar borgarísjaki sást vestur af Látrabjargi „Hefði ég ekki verið kominn af stað væri ég ekki að tala við þig núna“ Kærumál seinkar verklokum við brúagerð í Gufudalssveit Bjóða þeim sem skera niður regnbogafána í heimsókn Valdar strætóleiðir ganga oftar og lengur Hafi ekki forsendur til að efast um ákvörðun Sjúkratrygginga Rannsókn á „bíræfnum“ þjófnaði á viðkvæmu stigi Niðurgreiðsla sálfræðiþjónustu verði tryggð Niðurgreidd sálfræðiþjónusta, tollar á lyf og hitamet Óprúttnir aðilar hóta rofinni rafmagnstengingu berist greiðsla ekki strax „Ég hef engar vísbendingar fengið um að þetta sé að gerast“ Allir gangi hamingjusamir úr nýjustu sundlaug landsins Ástandið á Gasa: 42 prósent telja að Íslendingar ættu að beita sér meira „Stærsti höfundaréttarþjófnaður sögunnar“: Skora á íslensk stjórnvöld að feta í fótspor Dana Teiknaði hakakross á hurðina hjá nágrannanum Sjá meira
Ekki eru til nýir lögreglubúningar á landinu og þeirra er ekki að vænta í bráð. Útboðssamningur er útrunninn og ekki er ljóst hvenær farið verður í útboð því verið er að greiða úr ýmsum flækjum er varða sérpantanir á einkennisklæðnaði lögreglumanna.Kaupin vandkvæðum bundin Kostnaður við hvern lögreglubúning hleypur á hundruðum þúsunda; lágmarks vinnufatnaður kostar 173 þúsund og hátíðarbúningurinn 207 þúsund krónur. Erfiðlega hefur gengið að draga úr þessum kostnaði þar sem strangar reglur gilda bæði um útboðið sjálft og búningana, sem eru hátt í 700 talsins. Lögreglubúningarnir eru sérsniðnir að þörfum íslenskra yfirvalda þar sem lög og reglur þess efnis eru hafðar að leiðarljósi. Kaupin eru oftar en ekki vandkvæðum bundin. Sem dæmi má nefna að í síðasta útboði var gerð krafa um að klæðnaðurinn yrði svartur sem þýddi að framleiðandinn þurfti að panta nýtt efni og í framhaldinu láta lita það sérstaklega. Tók því talsvert lengri tíma að fá búningana afhenta en gert var ráð fyrir.Navy-bláa efnið litað svart „Aðilinn sem fékk samninginn var á þessum tíma að vinna að samningi fyrir dönsku lögregluna og var að vinna með navy bláan lit. Þar sem við vildum efnið svart þá þurfti að panta efnið sérlitað frá efnisframleiðandanum. Það að panta sérlitað efni í stað þess að vinna með efni sem þú ert með í þinni framleiðslulínu er með auknu flækjustigi og lengri pöntunarferla og þar fram eftir götunum,“ segir Jónas Ingi Pétursson, sem heldur utan um innkaupin hjá ríkislögreglustjóra. Jónas segir að verið sé að skoða hvernig hægt sé að komast hjá þessum erfiðleikum og að ekki verði farið í næsta útboð fyrr en þeirri vinnu lýkur. „Það sem við ætlum að fara af stað með er að reyna að tryggja okkur meira af því sem við köllum hilluvöru. Það er það sem hefur verið hluti af vandanum og við höfum verið að leggjast mjög yfir. Það er líka ein ástæða þess að við erum í seinni skipunum með útboðið því við viljum komast hjá þessum sérframleiddu og sérsniðnu búningum og löngu afgreiðslutímum í meiri hilluvörur. Hins vegar gerir það útboðið aðeins flóknara.“Óheppileg vinnubrögð Snorri Magnússon, formaður Landssambands lögreglumanna, segir afar óheppilegt að engir búningar séu til og að ekki hafi verið hugsað út í þessa hluti fyrr. Nú sé sumarið að koma, afleysingarmenn komi inn, og að ljóst sé að margir mánuðir séu í nýjan klæðnað. Þangað til þurfi lögreglumenn að deila fatnaði. Jafnframt hafi sambandið margoft komið með tillögur um hvernig hægt sé að kaupa ódýrari einkennisbúninga. Lögreglan sé algjörlega fjársvelt og að horfa þurfi í hverja krónu. „Það segir sig sjálft að það sem er sérunnið er dýrara en það sem hægt er að kaupa tilbúið. En það er önnur saga hvort að þessi stjórn löggæslu í landinu vilji hafa íslenskt yfirbragð á fatnaðnum eða eitthvað meira alþóðlegt. Svo er þetta líka spurning um innkaupapólitík og pólitík almennt er varðar útlit íslensku lögreglunnar.“Breytingar í farvatninu Jónas segir að einhverjar breytingar verði á næsta lögreglubúning, en að óljóst sé á þessum tímapunkti hversu umfangsmiklar þær verði. „Stærsta breytingin hangir við það að lögreglan er almennt farin að ganga í öryggisvestum og þar af leiðandi þarf þessi fatnaður sem er innan undir að vera öðruvísi. Hann þarf að anda betur og hleypa líkamshita og raka betur frá sér. Varðandi útlitsbreytingar þá á það bara eftir að koma í ljós, en við lýsum þeim í útboðslýsingum.“
Mest lesið Sérsveitin kölluð út: Fjöldi handtekinn eftir húsleit í Gnoðarvogi Innlent Melania Trump hótar lögsókn á hendur Hunter Biden Erlent Fjórir handteknir í aðgerðunum í Gnoðarvogi Innlent Haraldur Briem er látinn Innlent Trump tilkynnti um næstu heiðursfélaga Kennedy-miðstöðvarinnar Erlent Vilja afvopna einangraða og veikburða Hezbollah-liða Erlent Erlendir hópar komi til Íslands í skamman tíma til að hnupla úr verslunum Innlent Tilkynnt um sjónskerðingu og sjálfsvígshugsanir eftir inntöku þyngdarstjórnunarlyfja Innlent Sendu tvö herskip að umdeildu rifi eftir ásiglingu Kínverja Erlent Gagnrýni á fegurðarsamkeppnir sé ekki niðurlæging í garð kvenna Innlent Fleiri fréttir Haraldur Briem er látinn Fjórir handteknir í aðgerðunum í Gnoðarvogi Sérsveitin kölluð út: Fjöldi handtekinn eftir húsleit í Gnoðarvogi Vara við eldislax í Haukadalsá Erlendir hópar komi til Íslands í skamman tíma til að hnupla úr verslunum Líkamsræktarstöðin í Laugum rýmd: Reykurinn reyndist vera gufa Tilkynnt um sjónskerðingu og sjálfsvígshugsanir eftir inntöku þyngdarstjórnunarlyfja Gagnrýni á fegurðarsamkeppnir sé ekki niðurlæging í garð kvenna Líkamsræktarstöð World Class í Laugum rýmd vegna vatnsleka Skuggahliðar þyngdarstjórnunarlyfja og útskúfun vegna BDSM Ámálaða merkið þótti ekki nógu flott Slasaður eftir að tveir bílar skullu saman á hættulegum gatnamótum við Skógafoss Vísað úr landi eftir ólöglega dvöl: Togaði í hár konunnar, sparkaði í hana og mölvaði síma hennar Guðbjörg ráðin skólastjóri í tólfta grunnskóla Hafnarfjarðar Skyldleiki við lögregluþjón þvældist fyrir Stærðar borgarísjaki sást vestur af Látrabjargi „Hefði ég ekki verið kominn af stað væri ég ekki að tala við þig núna“ Kærumál seinkar verklokum við brúagerð í Gufudalssveit Bjóða þeim sem skera niður regnbogafána í heimsókn Valdar strætóleiðir ganga oftar og lengur Hafi ekki forsendur til að efast um ákvörðun Sjúkratrygginga Rannsókn á „bíræfnum“ þjófnaði á viðkvæmu stigi Niðurgreiðsla sálfræðiþjónustu verði tryggð Niðurgreidd sálfræðiþjónusta, tollar á lyf og hitamet Óprúttnir aðilar hóta rofinni rafmagnstengingu berist greiðsla ekki strax „Ég hef engar vísbendingar fengið um að þetta sé að gerast“ Allir gangi hamingjusamir úr nýjustu sundlaug landsins Ástandið á Gasa: 42 prósent telja að Íslendingar ættu að beita sér meira „Stærsti höfundaréttarþjófnaður sögunnar“: Skora á íslensk stjórnvöld að feta í fótspor Dana Teiknaði hakakross á hurðina hjá nágrannanum Sjá meira