Glamour

Cara Delevingne rakar af sér hárið

Ritstjórn skrifar
Cara sást á kvikmyndasetti kvikmyndarinnar Life in a year.
Cara sást á kvikmyndasetti kvikmyndarinnar Life in a year. Mynd/Instagram
Það eru aðeins nokkrar vikur frá því að Cara Delevingne aflitaði á sér hárið og klippti það í axlasídd. Nú hefur fyrirsætan hinsvegar rakað allt hárið af sér. 

Talið er að hún hafi gert það fyrir kvikmyndahlutverk en Cara leikur um þessar mundir í kvikmyndinni Life in a Year ásamt Jaden Smith. Myndir náðust af fyrirsætunni á setti kvikmyndarinnar með nýju hárgreiðsluna. 

Það eru ekki margar leikkonur sem taka þetta stóra skref fyrir kvikmyndahlutverk. Natalie Portman rakaði af sér hárið fyrir hlutverk í kvikmyndinni V for Vandetta á sínum tíma sem og Charlize Theron fyrir kvikmyndina Mad Max: Fury Road. Það er því nokkur ljóst að Cara tekur leiklistarferilinn alvarlega en hún hefur áður sagt að hana hafi alltaf dreymt um að verða leikkona en ekki fyrirsæta. 



Mest lesið




×

Mest lesið