Valdís Þóra á fjórum yfir pari

Valdís Þóra Jónsdóttir hefur lokið keppni á fyrsta degi Lalla Meryem mótsins í golfi sem fer fram í Marokkó.

Þetta er annað mót Valdísar Þóru á Evrópumótaröðinni en hún endaði í 51. sæti á Oates Victorian mótinu í Ástralíu.

Skagakonan lék hringinn í dag á fjórum höggum yfir pari. Valdís Þóra var á einu höggi yfir pari eftir fyrri níu holurnar en gaf eftir á seinni níu.

Þar fékk hún þrjá skolla og endaði á fjórum höggum yfir pari. Valdís Þóra er í 70.-75. sæti á mótinu.