ÍR og KR áttu fyrsta höggið

ÍR og KR eru komin yfir í sínum einvígum í umspili um sæti í Olís-deild karla á næsta tímabili.

Daníel Ingi Guðmundsson skoraði 11 mörk þegar ÍR bar sigurorð af Þrótti, 27-25, í Austurberginu. ÍR-ingar leiddu með fjórum mörkum í hálfleik, 18-14.

Óttar Filipp var markahæstur í liði Þróttar með sex mörk og Aron Heiðar Guðmundsson skoraði fimm.

KR-ingar sóttu Víkinga heim og unnu tveggja marka sigur, 20-22.

Arnar Jón Agnarsson skoraði sex mörk fyrir KR og þeir Andri Berg Haraldsson og Jóhann Gunnarsson sitt hvor fimm mörkin.

Víglundur Jarl Þórsson skoraði sex mörk fyrir Víking og Logi Ágústsson fimm.