Ólafía Þórunn: Aðeins meiri vindur en í gær

„Ég byrja á því að teygja og hita upp vöðvana. Það er það mikilvægasta,“ sagði Ólafía Þórunn Kristinsdóttir í samtali við Pál Ketilsson hjá kylfingur.is, skömmu áður en hún hóf leik á öðrum degi Pure Silk Bahama Classic-mótsins á Bahamaeyjum.

Ólafía lék einkar vel í gær, á tveimur höggum undir pari. Í dag keppist hún um að komast í gegnum niðurskurðinn. Sjötíu efstu kylfingarnir halda keppni áfram um helgina.

Ólafía segir að aðstæður séu aðeins öðruvísi en í gær.

„Það er aðeins meiri vindur í dag þannig að þetta verður góð áskorun,“ sagði Ólafía sem er klár í slaginn.

Fylgjast má með beinni textalýsingu frá mótinu með því að smella hér.