Sjáðu glæsilegan snúning Björns Daníels er Ísland komst yfir

Ísland er komið yfir í leik sínum gegn Kína í China Cup-keppninni sem fer fram í Nanning í Kína. Kjartan Henry Finnbogason skoraði markið á 64. mínútu.

Björn Daníel Sverrisson átti stóran þátt í markinu. Hann fékk sendingu inn í teig og var móttakan hans glæsileg. Hann náði að snúa sér að marki og eiga skot sem markvörður Kínverja varði, beint fyrir fætur Kjartans Henrys sem skoraði auðvelt mark.

Kínverjar voru mun sterkari aðilinn í fyrri hálfleik en okkar menn komu sér betur inn í leikinn eftir því sem leið á síðari hálfleik.

Fylgstu með beinni textalýsingu hér fyrir neðan.