Sextán afrek sem gera árið 2016 að besta íþróttaári Íslendinga Óskar Ófeigur Jónsson skrifar 31. desember 2016 08:00 27. júní 2016. Íslendingar muna örugglega aldrei gleyma stundinni þegar Aron Einar Gunnarsson, fyrirliði íslenska karlalandsliðsins, bað um hljóð í horninu á Allianz Riviera leikvanginum í Nice og í framhaldinu náði íslenska húh-ið athygli alls heimsins. Íslenska landsliðið var nýbúið að senda enska landsliðið skömmustulega heim af EM aðeins fimm dögum eftir að liðið endaði Evrópudrauma Austurríkismanna í ótrúlega spennandi leik á Stade de France. Íslenska fótboltaævintýrið var eitt af stærstu fréttunum í fótboltaheiminum á árinu. Íslenska þjóðin hefur sjaldan verið stoltari en þetta júníkvöld en frábær árangur karlalandsliðsins var langt frá því að vera eina íþróttaafrek þessarar 330 þúsund manna þjóðar norður í Atlantshafi. Verðlaun á Evrópumóti í sundi, sæti í úrslitasundum á Ólympíuleikum í Ríó og sæti í úrslitum á EM í frjálsum. Tvö landslið tryggðu sér sæti á EM á næsta ári og árið 2017 verður einnig risaár fyrir íslenska golfið þar sem Ísland mun eiga fullgildan meðlim á tveimur stærstu atvinnumótaröðunum í kvennagolfinu. Það voru fleiri dæmi um að íslensk landslið sýndu styrk sinn í baráttu við þá bestu. Fimleikalandslið kvenna varð Norðurlandameistari í áhaldafimleikum, Ísland kom með þrenn verðlaun heim af Evrópumótinu í hópfimleikum og handboltalandsliðið komst inn á enn eitt stórmótið. Það sem er svo spennandi við íþróttamennina sem sköruðu fram úr á árinu er að svo margir þeirra eru bara rétt að byrja. Bæði hlauparinn Aníta Hinriksdóttir og sundkonan Eygló Ósk Gústafsdóttir eru þrátt fyrir mikla reynslu aðeins nýskriðnar yfir tvítugt og það eru miklu fleiri dæmi um ungt afreksfólk sem á framtíðina fyrir sér og hefur sett markið hátt.Kátir krakkar á EM í Frakklandi.vísir/gettyÞá eru ótaldir íslensku þjálfararnir sem eru að gera það gott, ekki síst í handboltanum þar sem íslenskir þjálfarar unnu samtals fimm verðlaun á stórmótum ársins 2016. Allt íþróttaárið 2016 var íslenska íþróttafólkið að vinna afrek sem höfðu ekki unnist áður og hefði jafnvel verið óhugsandi fyrir aðeins nokkrum árum. Íslenska íþróttasögubókin stækkaði því um marga kafla á árinu. Ísland fær vissulega tækifæri til að endurskrifa söguna á nýju ári. Karlalandsliðið í fótbolta getur tryggt sig inn á HM í fyrsta sinn, kvennalandsliðið í fótbolta mætir á sitt þriðja Evrópumót í röð með stór markmið og karlalandsliðið í körfubolta bíður eftir fyrsta sigri sínum í úrslitakeppni EM en liðið verður með á Eurobasket í Finnlandi í september. Það eru líka sóknarfæri í öðrum íþróttagreinum enda hljóta allir íslenskir íþróttamenn að fá aukna trú og aukinn kraft við að fylgjast með löndum sínum slá í gegn. Hér á síðunni eru taldar upp sextán ástæður fyrir því af hverju árið 2016 er besta íþróttaár Íslendinga til þessa. Þetta er langt frá því að vera tæmandi listi því í heimi íþróttanna er litla Ísland engin smáþjóð. Metnaður og kröfur þjóðarinnar minnkuðu ekkert við magnaðan árangur ársins 2016. Íslenska íþróttafólkið fær vonandi enn fleiri tækifæri á árinu 2017 til að sýna sig og sanna í keppni við þá bestu. Ísland verður strax aftur í sviðsljósinu í fyrsta mánuði nýs árs þegar karlalandsliðið í handbolta tekur þátt á HM í handbolta í Frakklandi.Aron Einar Gunnarsson fagnar sigri á Englandi í Hreiðrinu í Nice.vísir/getty1 Íslenska karlalandsliðið í fótbolta sendi stórstjörnulið Englands heims af EM og komst í átta liða úrslit á EM í fótbolta. Íslenska liðið tapaði aðeins einum leik og skoraði í öllum fimm leikjum sínum átta mörk sem er meira en 19 af hinum 23 liðum mótsins.2 Íslenska kvennalandsliðið í fótbolta vann sinn riðil í undankeppninni í fyrsta sinn og var með fullt hús og hreint mark þegar liðið tryggði sér sæti á þriðja Evrópumótinu í röð.3 Hrafnhildur Lúthersdóttir vann þrenn verðlaun á EM í sundi í 50 metra laug fyrst íslenskra sundkvenna. Hún fékk silfur í 50 og 100 metra bringu og svo brons í 200 metra bringu.4 Ísland átti í fyrsta sinn konu í úrslitum í sundi á Ólympíuleikum og það tvær á sömu leikum. Hrafnhildur Lúthersdóttir komst fyrst í úrslit í 100 metra bringu þar sem hún varð sjötta en Íslandsmet kom Eygló Ósk Gústafsdóttur í úrslitin í 200 metra baksundi.5 Ísland átti tvær konur í úrslitum á EM í frjálsum. Aníta Hinriksdóttir varð áttunda í 800 metra hlaupi en Ásdís Hjálmsdóttir í áttunda sæti í spjótkasti. Aníta komst í úrslit á tveimur stórmótum á árinu því hún varð fimmta á HM innanhúss í mars6 Íslenska karlalandsliðið í körfubolta komast aftur í hóp bestu liða Evrópu þegar liðið vann 4 af 6 leikjum í undankeppninni og tryggði sér sæti í úrslitakeppni EM.7 Þrjár íslenskar sundkonur settu Íslandsmet á HM 25 eða þær Hrafnhildur Lúthersdóttir, Eygló Ósk Gústafsdóttir og Bryndís Rún Hansen. Hrafnhildur og Bryndís fóru báðar í undanúrslit.8 Íslensku handbolta- og körfuboltalandsliðin unnu alla sjö keppnisleiki sína í Laugardalshöllinni á árinu.9 Gylfi Þór Sigurðsson skoraði 14 mörk í ensku úrvalsdeildinni á árinu sem er nýtt íslenskt met. Gylfi átti einnig sex stoðsendingar og kom því að tuttugu mörkum á árinu í vinsælustu deild heimsins fyrstur Íslendinga.10 Íslenskir handboltaþjálfarar unnu þrjú stórmótagull og alls fimm verðlaun á stórmótum ársins. Guðmundur Guðmundsson gerði Dani að Ólympíumeisturum karla í fyrsta skiptið og þeir Dagur Sigurðsson (karlalið Þýskalands) og Þórir Hergeirsson (kvennalið Noregs) hjálpuðu sínum liðum að vinna EM-gull og Ólympíubrons.11 Aron Pálmarsson var valinn besti leikmaður Meistaradeildarhelgarinnar og hann var líka orðaður við öll helstu stórlið heimsins í lok ársins.12 Áhaldalandslið kvenna náði þeim tímamótaárangri að sigra í liðakeppni á Norðurlandamóti í áhaldafimleikum í fyrsta skipti. Á Evrópumótinu í hópfimleikum í Slóveníu kom Ísland heim með fern verðlaun (1 gull, 1 silfur og 2 brons).Helena Sverrisdóttir átti stórkostlegan leik þegar Ísland vann eftirminnilegan sigur á Ungverjalandi í Höllinni.vísir/ernir13 Íslenska kvennalandsliðið í körfubolta vann Ungverjaland í undankeppni EM í febrúar. Þetta var fyrsti sigur kvennalandsliðsins í keppnisleik á móti þjóð sem var með á síðasta stórmóti á undan.14 Ólafía Þórunn Kristinsdóttir er fyrsti íslenski kylfingurinn sem vinnur sér þátttökurétt á LPGA þegar hún náði öðru sætinu á lokaúrtökumótinu.15 Valdís Þóra Jónsdóttir náði bestum árangri íslensk kylfings á lokaúrtökumóti fyrir Evrópumótaröðina þegar hún varð í öðru sæti á lokaúrtökumótinu og tryggði sig inn á LET á næsta ári.16 Ísland eignaðist heimsmeistara í kraftlyftingum bæði í karla- og kvennaflokki. Júlían J. K. Jóhannsson varð heimsmeistari í réttstöðulyftu á HM í nóvember og Fanney Hauksdóttir varð heimsmeistari í klassískri bekkpressu í maí. ... og við gætum haldið áfram. Fréttir ársins 2016 Íþróttir Mest lesið Auglýsir ólögleg veðmál: „Hryggir mig mjög að Kristófer fari þessa leið“ Körfubolti Miðasala á leik Íslands og Úkraínu hefst aftur í hádeginu í dag Fótbolti Engin hjartaaðgerð en smá magnyl skaðar ekki Fótbolti Rúnar þakkar fyrir stuðning eftir mikið sjokk Fótbolti Handtekinn eftir að hann fannst sofandi í bíl í miðri umferð Körfubolti Handboltinn í fyrsta sæti en tilbiður enn listagyðjuna Handbolti Járngirðingar í kringum leikmannahótel Ísraela í Osló Fótbolti Ný upplifun fyrir strákana: „Líklega legið þungt á þeim“ Fótbolti „Ætla rétt að vona að þeir láti hann borga það bara úr sínum eigin vasa“ Körfubolti Lárus í vinnu hjá danska landsliðinu Körfubolti Fleiri fréttir „Tímarnir hafa einfaldlega breyst“ hjá þýska landsliðinu „Þetta er gjörsamlega galið“ Ný upplifun fyrir strákana: „Líklega legið þungt á þeim“ Handboltinn í fyrsta sæti en tilbiður enn listagyðjuna Hafa tekið U-beygju með Hauka-Kanann sem þær ráku nánast í upphitunarþættinum „Þetta er mikilvægasti leikurinn í riðlinum“ Lárus í vinnu hjá danska landsliðinu Isak segist vera tilbúinn í níutíu mínútur Draumadeildin staðið undir væntingum Miðasala á leik Íslands og Úkraínu hefst aftur í hádeginu í dag LeBron missir af fyrsta leik í fyrsta sinn á ferlinum Hallgrímur framlengir við KA Mbappé nýtur betur lífsins í Madrid: „Þetta er ekki árás á Frakkland“ Fæddist með gat á hjartanu Engin hjartaaðgerð en smá magnyl skaðar ekki Járngirðingar í kringum leikmannahótel Ísraela í Osló Kviknaði í húsi Vinícius Júnior Auglýsir ólögleg veðmál: „Hryggir mig mjög að Kristófer fari þessa leið“ Handtekinn eftir að hann fannst sofandi í bíl í miðri umferð Dagskráin í dag: Tekur Ísland stórt skref í átt að HM? Rúnar þakkar fyrir stuðning eftir mikið sjokk Tuchel með fast skot á stuðningsmenn: „Það var algjör þögn á leikvangnum“ Leyfðum okkur hluti sem að við höfum ekki verið að gera „Mjög stoltur af liðinu“ Háspenna þegar Selfoss fékk sín fyrstu stig Uppgjörið: Ármann - KR 89-115 | Brött brekka í fyrsta heimaleiknum í efstu deild í 44 ár Fram gæti orðið stórveldi í íslenskri kvennaknattspyrnu innan örfárra ára „Dregur aðeins af þeim en við getum gefið meira í“ Höjlund sjóðheitur og Danir færðust nær HM „Ætla rétt að vona að þeir láti hann borga það bara úr sínum eigin vasa“ Sjá meira
27. júní 2016. Íslendingar muna örugglega aldrei gleyma stundinni þegar Aron Einar Gunnarsson, fyrirliði íslenska karlalandsliðsins, bað um hljóð í horninu á Allianz Riviera leikvanginum í Nice og í framhaldinu náði íslenska húh-ið athygli alls heimsins. Íslenska landsliðið var nýbúið að senda enska landsliðið skömmustulega heim af EM aðeins fimm dögum eftir að liðið endaði Evrópudrauma Austurríkismanna í ótrúlega spennandi leik á Stade de France. Íslenska fótboltaævintýrið var eitt af stærstu fréttunum í fótboltaheiminum á árinu. Íslenska þjóðin hefur sjaldan verið stoltari en þetta júníkvöld en frábær árangur karlalandsliðsins var langt frá því að vera eina íþróttaafrek þessarar 330 þúsund manna þjóðar norður í Atlantshafi. Verðlaun á Evrópumóti í sundi, sæti í úrslitasundum á Ólympíuleikum í Ríó og sæti í úrslitum á EM í frjálsum. Tvö landslið tryggðu sér sæti á EM á næsta ári og árið 2017 verður einnig risaár fyrir íslenska golfið þar sem Ísland mun eiga fullgildan meðlim á tveimur stærstu atvinnumótaröðunum í kvennagolfinu. Það voru fleiri dæmi um að íslensk landslið sýndu styrk sinn í baráttu við þá bestu. Fimleikalandslið kvenna varð Norðurlandameistari í áhaldafimleikum, Ísland kom með þrenn verðlaun heim af Evrópumótinu í hópfimleikum og handboltalandsliðið komst inn á enn eitt stórmótið. Það sem er svo spennandi við íþróttamennina sem sköruðu fram úr á árinu er að svo margir þeirra eru bara rétt að byrja. Bæði hlauparinn Aníta Hinriksdóttir og sundkonan Eygló Ósk Gústafsdóttir eru þrátt fyrir mikla reynslu aðeins nýskriðnar yfir tvítugt og það eru miklu fleiri dæmi um ungt afreksfólk sem á framtíðina fyrir sér og hefur sett markið hátt.Kátir krakkar á EM í Frakklandi.vísir/gettyÞá eru ótaldir íslensku þjálfararnir sem eru að gera það gott, ekki síst í handboltanum þar sem íslenskir þjálfarar unnu samtals fimm verðlaun á stórmótum ársins 2016. Allt íþróttaárið 2016 var íslenska íþróttafólkið að vinna afrek sem höfðu ekki unnist áður og hefði jafnvel verið óhugsandi fyrir aðeins nokkrum árum. Íslenska íþróttasögubókin stækkaði því um marga kafla á árinu. Ísland fær vissulega tækifæri til að endurskrifa söguna á nýju ári. Karlalandsliðið í fótbolta getur tryggt sig inn á HM í fyrsta sinn, kvennalandsliðið í fótbolta mætir á sitt þriðja Evrópumót í röð með stór markmið og karlalandsliðið í körfubolta bíður eftir fyrsta sigri sínum í úrslitakeppni EM en liðið verður með á Eurobasket í Finnlandi í september. Það eru líka sóknarfæri í öðrum íþróttagreinum enda hljóta allir íslenskir íþróttamenn að fá aukna trú og aukinn kraft við að fylgjast með löndum sínum slá í gegn. Hér á síðunni eru taldar upp sextán ástæður fyrir því af hverju árið 2016 er besta íþróttaár Íslendinga til þessa. Þetta er langt frá því að vera tæmandi listi því í heimi íþróttanna er litla Ísland engin smáþjóð. Metnaður og kröfur þjóðarinnar minnkuðu ekkert við magnaðan árangur ársins 2016. Íslenska íþróttafólkið fær vonandi enn fleiri tækifæri á árinu 2017 til að sýna sig og sanna í keppni við þá bestu. Ísland verður strax aftur í sviðsljósinu í fyrsta mánuði nýs árs þegar karlalandsliðið í handbolta tekur þátt á HM í handbolta í Frakklandi.Aron Einar Gunnarsson fagnar sigri á Englandi í Hreiðrinu í Nice.vísir/getty1 Íslenska karlalandsliðið í fótbolta sendi stórstjörnulið Englands heims af EM og komst í átta liða úrslit á EM í fótbolta. Íslenska liðið tapaði aðeins einum leik og skoraði í öllum fimm leikjum sínum átta mörk sem er meira en 19 af hinum 23 liðum mótsins.2 Íslenska kvennalandsliðið í fótbolta vann sinn riðil í undankeppninni í fyrsta sinn og var með fullt hús og hreint mark þegar liðið tryggði sér sæti á þriðja Evrópumótinu í röð.3 Hrafnhildur Lúthersdóttir vann þrenn verðlaun á EM í sundi í 50 metra laug fyrst íslenskra sundkvenna. Hún fékk silfur í 50 og 100 metra bringu og svo brons í 200 metra bringu.4 Ísland átti í fyrsta sinn konu í úrslitum í sundi á Ólympíuleikum og það tvær á sömu leikum. Hrafnhildur Lúthersdóttir komst fyrst í úrslit í 100 metra bringu þar sem hún varð sjötta en Íslandsmet kom Eygló Ósk Gústafsdóttur í úrslitin í 200 metra baksundi.5 Ísland átti tvær konur í úrslitum á EM í frjálsum. Aníta Hinriksdóttir varð áttunda í 800 metra hlaupi en Ásdís Hjálmsdóttir í áttunda sæti í spjótkasti. Aníta komst í úrslit á tveimur stórmótum á árinu því hún varð fimmta á HM innanhúss í mars6 Íslenska karlalandsliðið í körfubolta komast aftur í hóp bestu liða Evrópu þegar liðið vann 4 af 6 leikjum í undankeppninni og tryggði sér sæti í úrslitakeppni EM.7 Þrjár íslenskar sundkonur settu Íslandsmet á HM 25 eða þær Hrafnhildur Lúthersdóttir, Eygló Ósk Gústafsdóttir og Bryndís Rún Hansen. Hrafnhildur og Bryndís fóru báðar í undanúrslit.8 Íslensku handbolta- og körfuboltalandsliðin unnu alla sjö keppnisleiki sína í Laugardalshöllinni á árinu.9 Gylfi Þór Sigurðsson skoraði 14 mörk í ensku úrvalsdeildinni á árinu sem er nýtt íslenskt met. Gylfi átti einnig sex stoðsendingar og kom því að tuttugu mörkum á árinu í vinsælustu deild heimsins fyrstur Íslendinga.10 Íslenskir handboltaþjálfarar unnu þrjú stórmótagull og alls fimm verðlaun á stórmótum ársins. Guðmundur Guðmundsson gerði Dani að Ólympíumeisturum karla í fyrsta skiptið og þeir Dagur Sigurðsson (karlalið Þýskalands) og Þórir Hergeirsson (kvennalið Noregs) hjálpuðu sínum liðum að vinna EM-gull og Ólympíubrons.11 Aron Pálmarsson var valinn besti leikmaður Meistaradeildarhelgarinnar og hann var líka orðaður við öll helstu stórlið heimsins í lok ársins.12 Áhaldalandslið kvenna náði þeim tímamótaárangri að sigra í liðakeppni á Norðurlandamóti í áhaldafimleikum í fyrsta skipti. Á Evrópumótinu í hópfimleikum í Slóveníu kom Ísland heim með fern verðlaun (1 gull, 1 silfur og 2 brons).Helena Sverrisdóttir átti stórkostlegan leik þegar Ísland vann eftirminnilegan sigur á Ungverjalandi í Höllinni.vísir/ernir13 Íslenska kvennalandsliðið í körfubolta vann Ungverjaland í undankeppni EM í febrúar. Þetta var fyrsti sigur kvennalandsliðsins í keppnisleik á móti þjóð sem var með á síðasta stórmóti á undan.14 Ólafía Þórunn Kristinsdóttir er fyrsti íslenski kylfingurinn sem vinnur sér þátttökurétt á LPGA þegar hún náði öðru sætinu á lokaúrtökumótinu.15 Valdís Þóra Jónsdóttir náði bestum árangri íslensk kylfings á lokaúrtökumóti fyrir Evrópumótaröðina þegar hún varð í öðru sæti á lokaúrtökumótinu og tryggði sig inn á LET á næsta ári.16 Ísland eignaðist heimsmeistara í kraftlyftingum bæði í karla- og kvennaflokki. Júlían J. K. Jóhannsson varð heimsmeistari í réttstöðulyftu á HM í nóvember og Fanney Hauksdóttir varð heimsmeistari í klassískri bekkpressu í maí. ... og við gætum haldið áfram.
Fréttir ársins 2016 Íþróttir Mest lesið Auglýsir ólögleg veðmál: „Hryggir mig mjög að Kristófer fari þessa leið“ Körfubolti Miðasala á leik Íslands og Úkraínu hefst aftur í hádeginu í dag Fótbolti Engin hjartaaðgerð en smá magnyl skaðar ekki Fótbolti Rúnar þakkar fyrir stuðning eftir mikið sjokk Fótbolti Handtekinn eftir að hann fannst sofandi í bíl í miðri umferð Körfubolti Handboltinn í fyrsta sæti en tilbiður enn listagyðjuna Handbolti Járngirðingar í kringum leikmannahótel Ísraela í Osló Fótbolti Ný upplifun fyrir strákana: „Líklega legið þungt á þeim“ Fótbolti „Ætla rétt að vona að þeir láti hann borga það bara úr sínum eigin vasa“ Körfubolti Lárus í vinnu hjá danska landsliðinu Körfubolti Fleiri fréttir „Tímarnir hafa einfaldlega breyst“ hjá þýska landsliðinu „Þetta er gjörsamlega galið“ Ný upplifun fyrir strákana: „Líklega legið þungt á þeim“ Handboltinn í fyrsta sæti en tilbiður enn listagyðjuna Hafa tekið U-beygju með Hauka-Kanann sem þær ráku nánast í upphitunarþættinum „Þetta er mikilvægasti leikurinn í riðlinum“ Lárus í vinnu hjá danska landsliðinu Isak segist vera tilbúinn í níutíu mínútur Draumadeildin staðið undir væntingum Miðasala á leik Íslands og Úkraínu hefst aftur í hádeginu í dag LeBron missir af fyrsta leik í fyrsta sinn á ferlinum Hallgrímur framlengir við KA Mbappé nýtur betur lífsins í Madrid: „Þetta er ekki árás á Frakkland“ Fæddist með gat á hjartanu Engin hjartaaðgerð en smá magnyl skaðar ekki Járngirðingar í kringum leikmannahótel Ísraela í Osló Kviknaði í húsi Vinícius Júnior Auglýsir ólögleg veðmál: „Hryggir mig mjög að Kristófer fari þessa leið“ Handtekinn eftir að hann fannst sofandi í bíl í miðri umferð Dagskráin í dag: Tekur Ísland stórt skref í átt að HM? Rúnar þakkar fyrir stuðning eftir mikið sjokk Tuchel með fast skot á stuðningsmenn: „Það var algjör þögn á leikvangnum“ Leyfðum okkur hluti sem að við höfum ekki verið að gera „Mjög stoltur af liðinu“ Háspenna þegar Selfoss fékk sín fyrstu stig Uppgjörið: Ármann - KR 89-115 | Brött brekka í fyrsta heimaleiknum í efstu deild í 44 ár Fram gæti orðið stórveldi í íslenskri kvennaknattspyrnu innan örfárra ára „Dregur aðeins af þeim en við getum gefið meira í“ Höjlund sjóðheitur og Danir færðust nær HM „Ætla rétt að vona að þeir láti hann borga það bara úr sínum eigin vasa“ Sjá meira