Sektaður fyrir að klæðast skóm frá Kanye West

Dorial Green-Beckham, leikmaður Philadelphia Eagles í NFL-deildinni í Bandaríkjunum, var sektaður um rúmlega sex þúsund dali fyrir fótabúnað sinn í leik gegn Cincinatti Bengals á dögunum.

Í 13. leikviku tóku leikmenn NFL-deildarinnar þátt í My Cause, My Cleats herferðinni þar sem þeir skreyttu skó sína til að styðja góðan málstað.

Green-Beckham vildi hins vegar vera öðruvísi og klæddist skóm hönnuðum af Kanye West.

Til að toppa allt sagði Green-Beckham að með þessu væri hann að styðja The Yeezy Foundation sem er ekki til í raunveruleikanum.

NFL-deildin brást við með því að sekta Green-Beckham um 6076 Bandaríkjadali, eða tæplega 700.000 íslenskra króna.