Afslöppuð og skemmtileg tískusýning Chanel

Ritstjórn skrifar 7. desember 2016 11:45

Lily-Rose Depp gekk sína fyrstu tískusýningu. Myndir/Getty

Tískusýningar franska tískuhússins Chanel verða alltaf flottari með hverju skiptinu og sýningin sem haldin var í gær var alls engin undantekning. Hún var haldin í te-herberginu á hinu sögufræga Ritz hóteli í París sem er ný búið að endurbyggja eftir bruna.

Coco Chanel sjálf bjó á hótelinu í 35 ár svo að staðsetningin er þýðingarmikil fyrir tískuhúsið. Það sýndi sig á gestalistanum sem og fyrirsætunum sem gengu afslappaða tískupallinn á milli borðana í salnum.

Lily-Rose Depp gekk sína fyrstu tískusýningu en hún var andlit sólgleraugnalínu Chanel fyrr á árinu og er núna andlit Chanel No.5 L'eau. Sofia Richie gekk einnig pallinn í fyrsta skiptið en með þeim var reynsluboltinn Cara Delevigne. Georgia May Jagger var einnig á meðal fyrirsæta en það er langt síðan hún hefur komið fram á tískusýningum.

Sofia Richie gekk í fyrsta sinn fyrir Chanel.

Cara Delevigne er fastagestur á tískupöllum Chanel.

Georgia May Jagger hafði tekið sér pásu frá tískupöllunum en hún snéri aftur fyrir Chanel.

#chanel #metiersdart #pariscosmopolite #ritzparis @chanelofficial @ritzparis

A video posted by Vogue Paris (@vogueparis) on Dec 6, 2016 at 1:30pm PST